रत्ननगर । रत्ननगरका विद्यार्थीहरुका लागि आत्महत्या रोगथाम सम्बन्धी सचेतना मुलक कार्यक्रम गरिएको छ । विश्व आत्महत्या रोगथाम दिवसको अबसरमा लायन्स क्लव अफ रत्ननगर पञ्चकन्याले कार्यक्रम आयोजना गरेको हो ।
पञ्चकन्या मावि जयमंगलमा गरिएको कार्यक्रममा सोही विद्यालयका ७० जना विद्यार्थी सहभागी रहेको क्लवका निर्वतमान अध्यक्ष जनक राज पन्तले जानकारी दिए । विद्यार्थी मार्फत आत्महत्या न्यूनीकरणको लागि समाजमा सचेतना फैलाउने उद्देश्यले कार्यक्रम आयोजना गरिएको हो ।
कार्यक्रमका प्रमुख अतिथि वडा नं १३ का वडाध्यक्ष पोटबहादुर घिमिरेले आधुनिक समाजको विकासक्रमसंगै आत्महत्याको दर बढ्दै गएका कारण अमुल्य जीवनका विषय जानकारी गराउने गरी समाज केन्द्रीत कार्यक्रम आवश्यक रहेको बताए । क्लवका अध्यक्ष राचन्द्र दुवाडीको अध्यक्षतामा भएको कार्यक्रममा ट्रेनिङ फर हुमन नेपालकी नैना गुरुङ सहजीकरण गरेकी थिइन् ।
