चितवन । भाद्र १४ गतेबाट रिलिजमा आउन लागेको फिल्म ‘वर एण्ड वधु’को ट्रेलर सार्वजनिक भएको छ । ट्रेलरमा लभ, रोमान्स, धोका, कमेडी र एक्सनले लाई देख्न सकिन्छ ।
दुई परिवारको कथालाई लिएर बनेको फिल्मले अहिलेको आधुनिक विवाहलाई पनि चित्रण गरेको देखिन्छ ।
एलआरके प्रोडक्सनको प्रस्तुतिमा तयार भएको फिल्मका निर्देशक मिलन चाम्स हुन भने निर्माता जानुका थापाको हुन।फिल्ममा कार्यकारी निर्माताको रुपमा अमित रिजाल रहेका छन ।
सुदिप बरालको डीओपी रहेको फिल्ममा मिलन श्रेष्ठको सम्पादन, साहिल खानको ट्रेलर, हिमाल केसीको एक्सन, प्रदीप भारद्वाजको लेखन, रविन्द्र न्यौपाने र अनिस स्याङ्देनको कोरियोग्राफी, सन्तोष लामाको कला निर्देशन, अर्जुन पोखरेलको संगीत छ ।
फिल्ममा आँचल शर्मा, विवेक कर्माचार्य, गरिमा शर्मा, विजु पार्की, किरण केसी, सरिता लामिछाने, कुसुम शर्मा, श्रृष्टी खड्का, हिमेश पन्त, दिनेश काफ्ले, यमन श्रेष्ठ, रविन्द्र खड्का, अंशु महर्जन र सिता न्यौपानेको अभिनय छ ।
