रत्ननगर । चितवनबाट अर्को एउटा अनलाईन डिजिटल पत्रिका सञ्चालनमा आएको छ ।
रत्ननगरमा लामो समय देखि रिलेशन एफएम सञ्चालन गरिरहनु भएका अनिल अधिकारीले डिजिटल पत्रिकाको रुपमा रिलेशन खबर डट कम सुरु गर्नुभएको हो । नागरिकको सुचना पाउने अधिकार सुनिश्चितताको लागि डिजिटल पत्रिकाको सुरुवात गरिएको अधिकारीले बताउनुभयो ।
एसलीन मिडिया हाउस प्रा.लि.द्वारा सञ्चालित सो अनलाईनको सम्पादकमा पुष्पा लम्साल रहनुभएको छ । सुचना विभागमा अधिकारिक रुपमा दर्ता गरी सुरु गरिएको सो अनलाइनमा स्थानीय विषयबस्तुहरुलाई समाचारको रुपमा प्रकासन गरिने छ ।
राष्ट्रिय तथा अन्तराष्ट्रिय समचारसंगै उक्त अनलाइनमा स्थानीय स्तरका समाचार तथा सफलताको कथाहरु प्रकासन गरिने अधिकारीले बताउनुभयो । एफएम रेडियोबाट सिकेको अनुभवलाई डिजिटल पत्रिका मार्फत लगाउने र नागरिकको सुचनाको अधिकार स्थापित गर्ने योजना अनुसार अनलाईन सञ्चालनमा ल्याइएको उहाँको भनाई छ ।
रिलेशन एफएम र रिलेशन खबर डटकम दुई छुट्टाछुट्टै भिडिया हाउस रहेको पनि उहाँले स्पष्ट पार्नुभयो । रत्ननगर उद्योग बाणिज्य संघका कार्यसमिति सदस्य समेत रहेका अधिकारी सस्तो फर्निचर प्रा.लिका सञ्चालक हुनुहुन्छ ।
अपूर्व सप्लार्यका सञ्चालक अधिकारी विभिन्न सामाजिक संघसंस्थामा आबद्ध समेत रहनुभएको छ । रत्ननगरका सफल व्यवसायीको रुपमा परिचय बनाउन सफल अधिकारी सञ्चार उद्यमी समेत हुनुहुन्छ ।
