रत्ननगर । पूर्वी चितवनकाे रत्ननगरमा आयाेजना गरेकाे वडा स्तरीय फुटबल प्रतियाेगिताकाे उपाधि वडा नं ७ ले जितेकाे छ ।
शुक्रबार नेपाल माविकाे खेल मैदानमा भएकाे फाइनल प्रतिस्पर्धामा वडा नं ८ लाई ०-१ गाेल अन्तरले पराजित गर्दै वडा नं ७ ले उपाधि जितेकाे हाे ।
पहिलो हाल्फमा कुशल श्रेष्ठले आकर्षक गोल गरेका थिए , खेलको अन्तिम सम्म पनि अर्को गोल नहुदा सोहि गोल निर्णायक बनेको थियो ।
प्रतियाेगिताकाे विजेता वडा नं ७ लाई ५५ हजार नगद पुरस्कार सहित शिल्ड, मेडल र प्रमाणपत्र, उपविजेता वडा नं ८ लाई ३० हजार नगद पुरस्कार सहित शिल्ड, मेडल र प्रमाणपत्र प्रदान गरिएकाे छ । रत्ननगर खेलकुद विकास समितिका संयाेजक कृष्ण चाैधरीकाे अध्यक्षतामा भएकाे समापन कार्यक्रममा मेयर प्रलाद सापकाेटा र प्रमुख प्रशासकीय अधिकृत सुकदेव लम्सालले पुरस्कार र शिल्ड हस्तान्तरण गरेका थिए ।
शिक्षा अधिकृत सुमन सिलवाले सञ्चालन गरेकाे कार्यक्रममा उपमेयर यादब प्रसाद पाठक सहित वडाध्यक्षहरुकाे उपस्थिति रहेकाे थियाे। सामाजिक विकास समितिका संयाेजक बालकृष्ण चापागाईले धन्यवाद मन्तव्य राखेका थिए ।
