चितवन, २३ भदौ। चितवनको राप्ती नदीमा बेपत्ता भएका दुई पुरुष मध्ये एक जनाको शव फेला परेको छ । फेला पर्नेमा भरतपुर महानगरपालिका- २५ चितई बस्ने ४३ वर्षिय सञ्जिव कुमार चौधरी रहेका छन् ।
चौधरीको शव मेघौली एयरपोस्टबाट खटिएको नेपाली सेना र इलाका प्रहरी कार्यालय दिव्यनगरबाट खटिएको प्रहरीको टोलीले घटना स्थलभन्दा ६ किलोमिटर तल आइतबार ११ः५० को समयमा फेला परेको हो ।
शुक्रबार भरतपुर महानगरपालिका–२७ जमुनाघाटस्थित राप्तीखोलामा माछा मार्न चौधरी सहित भरतपुर २७ का ४५ वर्षीय शुकबहादुर परियार बेपत्ता भएका थिए । अर्का बेपत्ता परियारको भने नेपाली सेना, सशस्त्र प्रहरीको गोताखोर टोली, स्थानीय मिलेर नदीमा खोजी जारी राखेको छ ।
