भरतपुर । भरतपुर महानगरपालिका वडा नं २६ स्थित आदर्श मावि दिव्यनगरमा “मानब वेचविखन तथा लागु औषध दुर्व्यसनी सम्वन्धी कानुनी सचेतना कार्यक्रम गरिएको छ । मुस्कान लाइफ ग्रुपले “समाज सुधारका लागि युवाको सक्रियता“ भन्ने नाराका साथ उक्त सचेतनामुलक कार्यक्रम गरेको हो ।
सो विद्यालयका करिब १०० जना विद्यार्थीहरुलाई ईलाका प्रहरी कार्यालय चनौलीका प्रहरी नायव निरीक्षक तारा प्रकाश रिमालले लागु औषध नियन्त्रणमा भएको प्रयास, त्यसले समाजमा पार्ने प्रभाब र कानुनी प्राबधान लगायतका विषयमा सहजीकरण गरेको ले जानकारी दिए । भरतपूर वडा नं २६ का जनप्रतिनिधी प्रकाश सुवेदी प्रमुख अतिथि रहेको सो कार्यक्रममा विद्यालय प्रध्यानाध्यापक मित्रबन्धु चापागाइँ, विद्यालय व्यवस्थापन समितिका अध्यक्ष ऋषि भण्डारी लगायतको उपस्थिति रहेको थियो ।
कार्यक्रम संयोजक मित्र प्रसाद चापागाइँको अध्यक्षतामा भएको कार्यक्रम सचिव विजय शर्मा ज्यू ले सञ्चालन तथा संस्थाका अध्यक्ष घनश्याम ढकालले स्वागत मन्तव्य राख्दै कार्यक्रमको औचित्यको बारेमा प्रकास पारेका थिए । सोही अबसरमा गंगा चौधरीकोे संयोजकत्वमा ११ सदस्यीय “मुस्कान लाईफ ग्रुप विद्यालय समन्वय समिति” गठन गरिएको छ ।
