समर्थन मूल्य नपाउँदा चितवनका चैते धान किसान निराश

चितवन , जेठ २७ – चितवनका चैते धान उत्पादक किसानले सरकारले तोकेको समर्थन मूल्य नपाउँदा निराश बनेका छन्। विशेषगरी पूर्वी चितवनको खैरहनीस्थित साना किसान कृषि सहकारी संस्था लिमिटेडमा आबद्ध अधिकांश किसानले धान बिक्री गर्दा समर्थन मूल्य प्राप्त गर्न सकेका छैनन्। सहकारीका अध्यक्ष रामशरण पाठकका अनुसार करिब एक हजार हेक्टर क्षेत्रफलमा उत्पादन गरिएको चैते धानले समर्थन मूल्य नपाएको हो। भरतपुर महानगरपालिका–२८ स्थित राप्ती कृषि तथा पशुपालन समूहका सचिव रञ्जीत पौडेलले समर्थन मूल्य नपाउँदा किसान आर्थिक रूपमा मारमा परेको बताए। यस वर्ष चितवनमा चैते–५, हर्दिनाथ–१, पिआर र टाइचिन जातका धान गरी करिब नौ हजार हेक्टर क्षेत्रफलमा खेती गरिएको थियो। कृषि विकास कार्यालय…

चितवन, जेठ २६– चितवन उद्योग वाणिज्य संघले निजी क्षेत्रका समस्या, वर्तमान बजेटको प्रभाव तथा उद्योग वाणिज्य संघहरूको क्षमता अभिवृद्धिसम्बन्धी अन्तरक्रिया कार्यक्रम आयोजना गरेको छ। नेपाल उद्योग वाणिज्य महासंघ बागमती प्रदेशका पदाधिकारीहरूको उपस्थितिमा आयोजित कार्यक्रममा निजी क्षेत्रका चुनौती, सम्भावना र आगामी रणनीतिबारे छलफल गरिएको थियो। कार्यक्रममा चितवन उद्योग वाणिज्य संघका अध्यक्ष चिरञ्जीवी सुवेदीले चितवनको आर्थिक तथा सामाजिक अवस्था र संघका भावी योजनाबारे जानकारी दिँदै निजी क्षेत्रका आवाज सम्बन्धित निकायसम्म प्रभावकारी रूपमा पुर्‍याउन महासंघको भूमिका महत्वपूर्ण हुने बताए। उनले बागमती प्रदेशका आर्थिक सम्भावनाहरू अझै पूर्ण रूपमा उपयोग हुन नसकेको उल्लेख गरे। संघका निवर्तमान अध्यक्ष तथा नेपाल उद्योग वाणिज्य महासंघका कार्यकारिणी समिति सदस्य…

चितवन, जेठ २६– आगामी आर्थिक वर्ष २०८३/८४ का लागि संघीय सरकारले चितवनका सात स्थानीय तहलाई झन्डै ५ अर्ब रुपैयाँ अनुदान उपलब्ध गराउने भएको छ। अर्थ मन्त्रालयले सार्वजनिक गरेको अन्तरसरकारी वित्तीय हस्तान्तरण विवरणअनुसार समानीकरण, सशर्त, विशेष र समपुरक गरी चार प्रकारका अनुदानमार्फत उक्त रकम स्थानीय तहमा पठाइनेछ। चितवनका स्थानीय तहमध्ये भरतपुर महानगरपालिका ले सबैभन्दा बढी २ अर्ब ५ करोड १७ लाख रुपैयाँ प्राप्त गर्ने भएको छ। महानगरका कार्यवाहक प्रमुख चित्रसेन अधिकारीले विगतका वर्षको तुलनामा संघीय सरकारबाट प्राप्त हुने बजेट घटेको बताए। उनका अनुसार आन्तरिक राजस्व संकलनमा समेत कमी आएकाले विकास कार्यक्रम सञ्चालनमा चुनौती थपिने देखिएको छ। “संघीय अनुदान घटेको छ, आन्तरिक…

चितवन, जेठ २६– रगतको सहज व्यवस्थापन र जनचेतना फैलाउन खुलेको सामाजिक संस्था ब्लड डोनर्स सोसाइटीमा पछिल्लो समय विवाद बढ्दै गएको छ । विवादकै बीच नेतृत्व चयन गरेको ब्लड डोनर्स सोसाइटी नेपाल केन्द्रीय समितिमा रहेका पदाधिकारीहरुले नै संस्था छाड्न थालेका छन् । संस्थाको उपाध्यक्षमा चयन भएका सामाजिक अभियन्ता सुरेन्द्र धितालले आफ्नो पदीय भूमिकाबाट राजीनामा दिएका छन् । उनले सामाजिक संजाल फेसबुकमा लामो स्टाटस लेख्दै केन्द्रीय उपाध्यक्ष पदबाट राजीनामा दिएको घोषणा गरेका छन् । पछिल्लो समय संस्था भित्र देखिदै आएको खिचातानी, आरोप प्रत्यारोप र निस्वार्थ भावनाले सेवा गर्ने व्यक्तिहरु प्रति गरिएका अपमानजनक व्यवहारका कारण राजीनामा दिएको धितालले बताए । उनले लेखेका छन्–‘विगत…

नारायणगढ (चितवन), जेठ २६ – चितवनको पूर्वी क्षेत्रमा लगाइएको चैते धानमा घाँटी मरुवा (नेक ब्लास्ट) रोगको सङ्क्रमण देखिएको छ । बाला लाग्ने अवस्थामा ढुसीजन्य रोगले धानको घाँटीमा आक्रमण गरी दाना नलाग्ने र बाला सुक्ने समस्या निम्त्याएको कृषि विकास कार्यालय चितवनले जनाएको छ । कार्यालय प्रमुख झलकनाथ कँडेलले जिल्लाको राप्ती, खैरहनी, रत्ननगरलगायत पूर्वी चितवनका अधिकांश क्षेत्रमा रोगको सङ्क्रमण देखिएको बताउनुभयो । “यस वर्षको असामान्य मौसमका कारण रोग फैलिएको हुनसक्छ”, उहाँले भन्नुभयो, “केही दिन परेको वर्षा, रातिको चिसो र दिउँसोको तातोका कारण तापक्रममा उतारचढाव आयो । यस्तो अवस्था ढुसी फैलिन अत्यन्त अनुकूल हुन्छ ।” कार्यालय प्रमुख कँडेलका अनुसार नेक ब्लास्ट मुख्यतः बीउबाट…

चितवन, जेठ २६ – चितवनको भरतपुर महानगरपालिका–१० स्थित शिव शम्भु मिष्ठान्न भण्डारलाई बासी तथा सडेगलेका खाद्य पदार्थ उपभोक्तालाई खुवाएको भन्दै बन्द गराइएको छ। भरतपुर महानगरपालिकाको बजार अनुगमन टोलीले यसअघि उक्त मिष्ठान्न भण्डारलाई जरिवाना गर्दै सुधारका लागि निर्देशन दिएको थियो। साथै, पटक–पटक मौखिक रूपमा सावधानी अपनाउन र खाद्य स्वच्छताका मापदण्ड पालना गर्न सचेत गराइएको भए पनि व्यवसायीले निर्देशनको पालना नगरेको अनुगमन टोलीले जनाएको छ। उपभोक्तालाई बासी तथा सडेगलेका खाजा तथा खाना खुवाइरहेको गुनासो आएपछि आज प्रमुख जिल्ला अधिकारीसहितको संयुक्त अनुगमन टोलीले आकस्मिक अनुगमन गरेको थियो। अनुगमनका क्रममा पहिले देखिएका कमजोरीहरू पुनः दोहोरिएको र खाद्य सामग्रीको गुणस्तर तथा सरसफाइमा गम्भीर लापरबाही भेटिएको…