रविलाई अमेरिकी विदेशमन्त्रीको फोन, नेपाललाई थप सहयोग गर्न अमेरिका तयार

२२ भाद्र २०८३, सोमबार १२:०६

0 Comments

By रिलेशन खबर

राजनीति, समाचार, हेडलाईन

काठमाडौं, भदौ २२ – राष्ट्रिय स्वतन्त्र पार्टी (रास्वपा) का सभापति रवि लामिछाने र अमेरिकी विदेशमन्त्री मार्को रुबियोबीच टेलिफोन वार्ता भएको छ। रास्वपाले दिएको जानकारीअनुसार, टेलिफोन वार्ताका क्रममा अमेरिकी विदेशमन्त्री रुबियोले भोटेकोशी बाढीमा परी ज्यान गुमाएकाहरूप्रति गहिरो समवेदना व्यक्त गर्दै नेपाल सरकार र नेपाली जनताप्रति अमेरिकी ऐक्यबद्धता जनाएका छन्। जवाफमा सभापति लामिछानेले विपद्‌पछिको खोजी, उद्धार तथा राहत कार्यका लागि नेपाल सरकारले सम्पूर्ण उपलब्ध स्रोतसाधन परिचालन गरिरहेको जानकारी गराएका थिए। उनले नेपाली नागरिकका साथै नेपालमा रहेका सम्पूर्ण विदेशी नागरिकको सुरक्षाका लागि नेपाल उत्तिकै प्रतिबद्ध रहेको भन्दै अमेरिकी विदेशमन्त्रीलाई आश्वस्त पारेका छन्। यस कठिन घडीमा अमेरिकाले गरेको सहयोगप्रति लामिछानेले अमेरिकी सरकारलाई धन्यवाद दिएका…

२२ भाद्र २०८३, सोमबार ११:०६

0 Comments

By रिलेशन खबर

सुदूरपश्चिममा अझै तीन दिन वर्षाको सम्भावना, सतर्कता अपनाउन आग्रह

समाचार, हेडलाईन

सुदूरपश्चिम, भदौ २२ – कैलालीलगायत सुदूरपश्चिमका विभिन्न भूभागमा वर्षा भइरहेको छ । वर्षा आगामी तीन दिनसम्म कायमै रहने सम्भावना रहेको जल तथा मौषम विज्ञान कार्यालय अत्तरियाले जनाएको छ । कार्यालय प्रमुख इञ्जिनियर सञ्जयकुमार साहका अनुसार मौसम पूर्वानुमानअनुसार आजदेखि २४ गतेसम्म हिमाल, पहाड र तराईका अधिकांश भूभागमा मौसम साधारणतया बदली रहनेछ । यस अवधिमा विभिन्न स्थानमा मेघगर्जन र चट्याङसहित मध्यम वर्षाको सम्भावना छ । आज भने पहाडी र तराई क्षेत्रका केही स्थानमा भारी वर्षाको सम्भावना रहेकाले सोहीअनुसार आवश्यक सतर्कता अपनाउन आग्रह गरिएको छ । “आज दिउँसो हिमाली क्षेत्रमा थोरै, पहाडी र तराई क्षेत्रका अधिकांश क्षेत्रमा मेघगर्जन हुने सम्भावना छ । राति…

२१ भाद्र २०८३, आईतवार १६:२४

0 Comments

By रिलेशन खबर

बेत्रावतीमा १९३ जना बेपत्ता, भत्किएका घरमा खोजीको प्रतीक्षा

समाचार, हेडलाईन

नुवाकोट (बेत्रावती) , भदौ २१- रसुवाको भोटेकोशीमा बाढी आएको १२ दिन बित्यो । तर बेत्रावतीमा बेपत्ता भएका नागरिक भेटिएका छैनन् । बेत्रावती लाखे समितिका अध्यक्ष शशि डंगोल कुन टोलबाट कति मानिस बेपत्ता छन् भनेर तथ्यांक संकलन गरिरहेका छन् । उनका अनुसार बेत्रावतीका ६ वटा टोलबाट १९३ जना बेपत्ता छन् । ‘आज १२ दिन बित्यो । बेपत्ता हाम्रा आफन्तहरू आउलान् कि भन्ने आशैआशमा कहालीलाग्दो समय बित्दैछ,’ उनले भने। भेटिने आश कम हुँदै गएपछि धेरैले कुशको शव बनाएर दाहसंस्कार गरेका छन् । ‘आफन्तजनको स्मृतिमा काजकिरियाको काम पनि भइरहेको छ,’ उनले भने । आजको दिनसम्म उनले बेत्रावतीमा भएको क्षतिको रिपोर्ट तयार पारेका छन्…

२१ भाद्र २०८३, आईतवार ११:२३

0 Comments

By रिलेशन खबर

भोटेकोशी बाढीः ट्रमा सेन्टरमा उपचाररत ३८ घाइते डिस्चार्ज, १२ जनाको उपचार जारी

समाचार, हेडलाईन

काठमाडौँ, भदौ २१- रसुवास्थित भोटेकोशी नदीमा यही भदौ १० गते आएको बाढीमा परी घाइते भएका ५८ जनालाई उद्धार गरी काठमाडौँ ल्याइएकामा राष्ट्रिय ट्रमा सेन्टरबाट आजसम्म ३८ जना उपचारपछि ‘डिस्चार्ज’ भएका छन् । जिल्ला प्रहरी परिसर काठमाडौँका प्रवक्ता एवं प्रहरी उपरीक्षक दानबहादुर थापाका अनुसार बाढीमा परी घाइते भएका ५० जनालाई उपचारका लागि राष्ट्रिय ट्रमा सेन्टर ल्याइएको थियो । उपचारका क्रममा स्वास्थ्य अवस्थामा सुधार आएपछि हालसम्म ३८ जनालाई डिस्चार्ज गरिएको हो । राष्ट्रिय ट्रमा सेन्टरमा अहिले १२ घाइतेको उपचार भइरहेको छ । अस्पताल प्रशासनका अनुसार उपचाररत अधिकांश घाइतेको स्वास्थ्य अवस्था सामान्य रहेको छ भने उनीहरुको साधारण श्ययाम राखेर उपचार भइरहेको छ ।…

२१ भाद्र २०८३, आईतवार ११:२०

0 Comments

By रिलेशन खबर

चितवनमा फेला परेका ३६२ शवमध्ये ३३३ को व्यवस्थापन, ६८ जना आफन्तकोे ‘डिएनए’ नमूना सङ्कलन

चितवन सेरोफेरो, समाचार, हेडलाईन

नारायणगढ (चितवन), भदौ २१ – रसुवाको भोटेकोशीमा आएको बाढीपछि त्रिशूली र नारायणी नदी किनारबाट चितवनमा फेला परेका शवहरूको व्यवस्थापन, ‘डिएनए’ नमूना सङ्कलन र पहिचान गर्ने काम भइरहेको छ । जिल्ला प्रहरी कार्यालयका प्रहरी नायब उपरीक्षक चन्द्रभूषण यादवका अनुसार हालसम्म चितवनमा ३६२ शव फेला परेका छन् । तीमध्ये ३३३ शवको व्यवस्थापन गरिसकिएको छ भने १४ वटा शवको सनाखत भएपछि आफन्तको जिम्मा लगाइएको छ । शवहरूको वैज्ञानिक पहिचानका लागि यही भदौ १६ गतेदेखि डिएनए नमूना सङ्कलन सुरु गरिएको थियो । यादवका अनुसार भदौ २० गतेसम्म हराइरहेका व्यक्तिका आफन्त ६८ जनाको डिएनए नमूना सङ्कलन गरिएको छ । उहाँँका अनुसार भदौ १६ गते सात…

२१ भाद्र २०८३, आईतवार ११:०५

0 Comments

By रिलेशन खबर

भरतपुरमा डी टु एच (डाइरेक्ट टु होम हेल्थकेयर) सेवा सुरु

चितवन सेरोफेरो, स्वास्थ्य

चितवन ,भदौ २१ – अस्पतालमा उपलब्ध हुने स्वास्थ्य सेवा घरमै प्रदान गर्ने उद्देश्यसहित भरतपुर महानगरपालिका–९ स्थित भरतपुर बसपार्क नजिकै डी टु एच स डाइरेक्ट टु होम हेल्थकेयर सञ्चालनमा आएको छ। कृष्ण जन्माष्टमीको अवसर पारेर विकास पाण्डे र पदम थापाले उक्त संस्था औपचारिक रूपमा सञ्चालनमा ल्याएका हुन्। विशेषगरी विदेशमा रहेका नेपालीले स्वदेशमा रहेका आफ्ना बाबुआमाको स्वास्थ्य सेवा तथा हेरचाह गर्न सहज होस् भन्ने उद्देश्यले संस्था सञ्चालनमा ल्याइएको कार्यकारी प्रमुख विकास पाण्डेले जानकारी दिनुभयो। “हामीले विशेषगरी विदेशमा रहेर नेपालमा आफ्ना बाबुआमाको हेरचाह गर्न नपाएका, नियमित अस्पताल जान नसक्ने तथा दीर्घरोगी, वृद्धवृद्धा, अशक्त र अपांगता भएका व्यक्तिलाई घरमै स्वास्थ्य सेवा दिने उद्देश्यले यो…

२० भाद्र २०८३, शनिबार १७:१४

0 Comments

By रिलेशन खबर

भोटेकोशी बाढीपीडितको पीडामा देशको साथ, राहतका लागि सहयोग जुट्दै

समाचार, हेडलाईन

बाँके, भदौ २० – भोटेकोशी नदीमा आएको भीषण बाढीबाट प्रभावित नागरिकको उद्धार, राहत तथा पुनःस्थापनाका लागि बाँकेबाट प्रधानमन्त्री दैवी प्रकोप उद्धार कोषमा रु २४ लाख ३७ हजार २७४ सहयोग जम्मा भएको छ । जिल्ला प्रशासन कार्यालय बाँकेबाट प्राप्त विवरणअनुसार विभिन्न २१ वटा सङ्घसंस्था, विद्यालय, व्यावसायिक प्रतिष्ठान तथा व्यक्तिगत रूपमा सो रकम सङ्कलन गरी सहयोग गरिएको हो । बाँकेका प्रमुख जिल्ला अधिकारी दिलकुमार तामाङले विपद्मा परेका नागरिकको उद्धार तथा राहतका लागि बाँकेबाट विभिन्न क्षेत्रका व्यक्ति तथा सङ्घसंस्थाले सहयोग गरिरहेका बताउनुभयो । रेको जानकारी दिनुभयो । उहाँका अनुसार जिल्लाबाट सबैभन्दा बढी नेपालगञ्ज उद्योग वाणिज्य सङ्घले रु छ लाख एक हजार प्रदान गरेको…

२० भाद्र २०८३, शनिबार १७:१०

0 Comments

By रिलेशन खबर

रसुवा बाढीपछि चितवनमा रेडक्रसको शव व्यवस्थापन र मनोसामाजिक सहायता तीव्र

चितवन सेरोफेरो, स्वास्थ्य

भरतपुर, भदौ २० – रसुवाको भोटेकोशी तथा त्रिशूली नदीमा आएको भीषण बाढीपछि नारायणी नदी हुँदै चितवनसम्म आइपुगेका शवको व्यवस्थापन तथा पीडित परिवारलाई मनोसामाजिक सहायता प्रदान गर्ने कार्यलाई नेपाल रेडक्रस सोसाइटी चितवन शाखाले तीव्रता दिएको छ । भाद्र १० गते आएको बाढीबाट रसुवा, नुवाकोट र धादिङमा ठूलो जनधनको क्षति भएपछि नारायणी नदीको तटीय क्षेत्रमा समेत त्यसको प्रभाव परेको हो । नदीको जलसतह घट्दै गएसँगै किनार तथा आसपासका क्षेत्रमा थप शव फेला पर्न थालेपछि रेडक्रसले सुरक्षा निकाय र जिल्ला प्रशासन कार्यालयसँगको समन्वयमा स्वयंसेवक परिचालन गरी शव व्यवस्थापनको काम गरिरहेको जनाएको छ । बाढी आएको दिनदेखि हालसम्म नदी किनार तथा शव होल्डिङ सेन्टरमा…

२० भाद्र २०८३, शनिबार १५:२२

0 Comments

By रिलेशन खबर

बाढीको ११औँ दिनमा चमत्कारः नुवाकोटमा वृद्ध महिला र रसुवामा चिनियाँ नागरिक जीवितै उद्धार

समाचार, हेडलाईन

काठमाडौं, भदौ २० – भोटेकोशी हुँदै त्रिशूली नदीमा आएको भीषण बाढीमा फसेकी नुवाकोटकी ६४ वर्षीया चन्द्रिका श्रेष्ठको ११ दिनपछि सकुशल उद्धार गरिएको छ । बाढी प्रभावित विदुर नगरपालिका–१०, वेत्रावतीस्थित आफ्नै घरको चौथो तलाबाट श्रेष्ठको आज अपराह्न उद्धार गरिएको हो । सशस्त्र प्रहरी बल, १९ नं गुल्मबाट बाढी प्रभावित क्षेत्रमा खटिएको सशस्त्र प्रहरी निरीक्षक सुमन विकको नेतृत्वको टोलीले श्रेष्ठको उद्धार गरेको हो । गुल्मका प्रमुख सशस्त्र प्रहरी नायव उपरीक्षक वीरेन्द्र राउतका अनुसार बाढी प्रभावित बस्तीमा घरभित्र रहेका सामग्री हटाउन तथा सहयोग गर्न पुगेको उद्धार टोलीले घरभित्रबाट महिलाको आवाज सुनेपछि तत्काल खोजी गरेको थियो । खोजीका क्रममा चन्द्रिका हिलोमा गाडिएको अवस्थामा फेला…

१८ भाद्र २०८३, बिहीबार १८:४५

0 Comments

By रिलेशन खबर

सरकारसँग १२.८ अर्ब कर विवाद: कोकाकोलाका दुई कम्पनी नकारात्मक सूचीमा

समाचार, हेडलाईन

काठमाडौं, भदौ १८ – कोकाकोलालगायत पेयपदार्थ उत्पादक बहुराष्ट्रिय कम्पनी बोटलर्स नेपाल लिमिटेड र बोटलर्स नेपाल तराई लिमिटेड नकारात्मक सूचीसहित ‘क्रेडिट वाच लिस्ट’ मा परेका छन्। रेटिङ एजेन्सी इक्रा नेपालले दुवै कम्पनीको नकारात्मक असरको सम्भावनासहितको निगरानी यथावत राखेको जनाएको छ। नकारात्मक प्रभावको सम्भावनासहितको निगरानीमा राख्नुको मुख्य कारण, सन् २०१४ मा बोटलर्सको विदेशमा स्वामित्व किनबेच कारोबार (अफसोर ट्रेडिङ) सँग रहेको छ। कम्पनीको स्वामित्वमा परिवर्तनपछि करसम्बन्धी कानुनी उल्झन आएको हो। यसमा कर, जरिवाना र शुल्कसहित कुल १२.८ अर्ब रुपैयाँ बराबरको दायित्व समावेश छ। यसअघिको रेटिङका समयमा रहेको करिब १५.६ अर्ब रुपैयाँबाट घटेको छ। किनकि बोटलर्स नेपाल तराईमा बहुमत स्वामित्व रहेको सहायक कम्पनीको हकमा…

एसलिन मिडिया हाउस प्रा.लि.द्वारा सञ्चालित