भारतमा पहिरोमा पुरिएर माडीका तीन युवाको मृत्यु

भरतपुर । भारतको उत्तराखण्डस्थित रूद्रप्रयाग जिल्लामा पहिरोमा पुरिएर चितवनको माडीका तीन जनाको मृत्यु भएको छ। बिहीबार राति साढे १ बजेतिर झरेको पहिरोमा पुरिएर त्यहाँ मजदुरको रूपमा कार्यरत उनिहरुको मृत्यु भएको हो। चितवनका प्रमुख जिल्ला अधिकारी ईन्द्रदेव यादवले पहिरोमा परेर माडी २ सितलपुरका तुलबहादुर दमै, माडी १, भङ्गताका कृष्णबहादुर परियार र माडी ५, छरछरेका अन्दाजी २८ वर्षीय पूर्णबहादुर नेपालीको मृत्यु भएको जानकारी प्राप्त भएको बताउनुभयो । उनीहरू केही महिनादेखि सडक निर्माणका लागि मजदुरका रूपमा कार्यरत थिए। प्रमुख जिल्ला अधिकारी यादवले गृह मन्त्रालयमार्फत भारतीय दूतावाससँग समन्वय गरेर शव नेपाल ल्याइने जानकारी दिनुभयो ।

तनहुँ,७ भदौ । तनहुँको आँबुखैरेनीमा भएको बस दुर्घटनामा १४ जनाको शव निकालिएको छ। आँबुखैरेनीस्थित ऐनापहराबाट मर्स्याङ्दी नदीमा पोखराबाट काठमाडौँ हिँडेको यूपी ५३ एफडी ७६२३ नम्बरको भारतीय बस दुर्घटना भएको थियो। उक्त दुर्घटनामा परेर अहिलेसम्म १६ जना घाइतेको उद्धार भएको कास्कीका प्रहरी प्रमुख एसपी मोहन थापाले जानकारी दिए। उनका अनुसार, पोखराको मझेरी रिसोर्टमा बसेर यात्रुहरू बिहानै काठमाडौँतिर लागेका थिए। उक्त होटलमा थप विवरण बुझ्नका लागि अहिले प्रहरी टोली पुगेको छ। अहिले उद्धार कार्य जारी छ।

नवलपरासी । नवलपुरको सदरमुकाम कावासोतीमा नेपाल प्रहरीको नमुना पेट्रोल पम्प बन्ने भएको छ । विद्युतीय गाडीहरुको चार्जिङ्ग स्टेशन सहित पेट्रोल पम्प बन्न लागेको हो । पेट्रोल पम्पको शुक्रबार प्रहरी अतिरिक्त महानिरीक्षक टेकप्रसाद राईले शिलान्यास गरेका छन् । शिलान्यास पछि बोल्दै राईले पेट्रोलपम्म अत्यावश्यकीय सेवा रहेकोले प्रहरीले यसमा काम गर्न लागेको बताए । उनले प्रहरीले खोल्ने पम्पमा गुणस्तरीय इन्धनका साथै असहज अवस्थामा पनि पेट्रोलियम पदार्थ उपलब्धताको लागि सहज हुने बताए । प्रहरीले यो पम्पलाई देशकै नमूना पम्प भनेको छ । जिल्ला प्रहरी कार्यालय नवलपुर कावासोतीको अघिल्तिर प्रहरीले पम्प निर्माण शुरु भएको हो । प्रहरीको नाममा महेन्द्रराजमार्गमा रहेको २२ कठठा जग्गामा यो…

रत्ननगर । रत्ननगर ५ स्थित जनकौली मध्यवर्ती सामुदायिक वनमा तोडफोड गरी माइनुट केरमेट गर्नेलाई कारबाही तथा घटनाको छानविन गर्न माग गरिएको छ । नेकपा एमाले वडा नं ५ वडा कमिटी र वडा नं ६ वडा कमिटीले विहीबार सयुक्त विज्ञप्ती जारी गरी कार्यालयको ताल फोरी दराजमा रहेको माइनुट केरमेट गर्ने कार्यमितिका सदस्यलाई कारबाहीको माग गरेको हो । वडा नं ५  का वडा कमिटी अध्यक्ष विष्णु प्रसाद पौडेल र वडा नं ६ वडा कमिटीका अध्यक्ष रामचन्द्र सापकोटाद्धारा हस्ताक्षरित विज्ञप्तीमा घटनाका विषयलाई लिएर वन समितिका पदाधिकारी तथा अन्य सदस्यहरुलाई अश्लिल शब्दले गाली गलौच गर्ने, ज्यान मार्ने धम्की तथा हातपात गर्ने कार्य भइरहेको भन्दै…

रत्ननगर । चितवनको रत्ननगर नगरपालिका स्थानीय सरकार संस्थागत क्षमता मुल्याङकनमा देशभरमै तेस्रो भएको छ । संघीय मामिला तथा सामान्य प्रशासन मन्त्रालयले सार्वजनिक गरेको आर्थिक बर्ष २०७९/८० को नतिजा अनुसार रत्ननगर नगरपालिका देशभरका नगरपालिका मध्ये तेस्रो र बागमती प्रदेशमा दोस्रो भएको हो । मन्त्रालयले गरेको मुल्याङकनमा ९१ दशमलब ५० अंक प्राप्त गरी तेस्रो हुँदै रत्ननगर नगरपालिका सम्मानित तथा पुरस्कृत भएको छ । देशभरका नगरपालिका मध्ये संस्थागत क्षमता मुल्याङकनमा धादिङको निलकण्ठ नगरपालिका ९२ दशमलब ५० अंक प्राप्त गरी पहिलो र रुपन्देहीको तिलोतमा नगरपालिका ९२ अंक प्राप्त गरी दोस्रो भएको छ । बागमती प्रदेशमा उल्लेखित अंक प्राप्त गरी धादिङको निलकण्ठ नगरपालिका प्रमथ, रत्ननगर…

खैरहनी । खैरहनी नगरपालिका वडा नं २ ले एउटा रचनात्मक कामको सुरुवात गरेको छ । सो वडा कार्यालयले वडाबासी कसैको मृत्यू भएमा १३ दिनको दिनमा मृत्यूदर्ताको प्रमाणपत्र घरमै पुगेर हस्तान्तरण गर्ने जस्तो रचनात्मक कामको सुरुवात गरेको हो । दुःखमा परेको परिवारलाई जनप्रतिनिधिको टोली घरमै पुगेर समवेदन प्रकट गर्ने र मृत्यू दर्ताको प्रमाणपत्र समेत हस्तान्तरण गरेर स्थानीय सरकार रहेको अनुभूति दिलाउने गरी नयाँ कार्यक्रम सुरु गरिएको वडाध्यक्ष रोहिणीप्रसाद उप्रेतीले जानकारी दिए । सो वडाले बुधबार स्वर्गीय डम्बिर पुन मगरको घरमै पुगेर मृत्यु दर्ताको प्रमाणपत्र हस्तान्तरण गरेको हो । मृत्यू भएका व्यक्तिलाई श्रद्धान्जली दिने र परिवारलाई समबेदना सहित मृत्यू दर्ता घरमै पुगेर…

राप्ती । पूर्वी चितवनको राप्ती नगरपालिकामा सञ्चालित दुई वटा छात्राबासको मंगलबार सामाजिक परीक्षण गरिएको छ । सीमान्तकृत समुदायका बालबालिकालाई आवासीय सुविधा सहित शिक्षा प्रदान गर्न सञ्चालित छात्राबासको आम्दानी खर्च र उपलब्धि सार्वजनिक गर्न सामाजिक परीक्षण कार्यक्रम गरिएको हो । हिमालयन लाइफ चितवनले राप्ती नगरलिकाको विकट क्षेत्र वडा नं १० मा स्वामिटर छात्राबास र वडा नं ११ मा थाकलटार छात्राबास सञ्चालन गरिरहेको छ । दुई वटा छात्राबासमा चेपाङ समुदायका १५१ जना बालवालिका आवासीय सुविधा सहित अध्यायन गरिरहेका छन् । राप्ती नगरपालिकाका मेयर शमशेर लामा प्रमुख अतिथि रहेको सो कार्यक्रममा सह निर्देशक कमला सुवेदीले प्रगति प्रतिवेदन तथा लेखापाल समिता मोक्तानले आर्थिक प्रतिवेदन…

चितवन । भरतपुर अस्पतालमा उपचारका क्रममा महिलाको मृत्यु भएको विषयमा छानविन गर्ने जिल्ला प्रशासन कार्यालय चितवन र पीडित पक्षबीच सहमति भएको छ । घटनाको छानविन गर्न अस्पतालको आन्तरिक छानविन समिति बनिसकेको अवस्थामा जिल्लास्तरमा प्रमुख जिल्ला अधिकारीलाई प्रतिवेदन बुझाउनेगरी नौ सदस्यिय सर्वपक्षित छानविन समिति गठन गरिएको छ भने थप छानविनका लागि गृहमन्त्रालय, स्वास्थ्य तथा जनसंख्या मन्त्रालय र नेपाल मेडिकल काउन्सिललाई पनि अनुरोध गर्ने निर्णय भएको छ । भरतपुर महानगरपालिका–१२ मुनालचोक घरभई हाल गैंडाकोट बस्ने ३९ वर्षीय सम्झना काफ्लेको उपचारको क्रममा हिजो (मंगलवार) राति साढे १० बजे मृत्यु भएको थियो । घटनाको विषयमा छानविन सरकारी पक्ष र पीडित पक्षबीच सहमति भएपछि परिवारले…

भरतपुर । स्वास्थ्य बिमाको व्यवस्थापनमा अग्रणी रहेको भरतपुर अस्पतालले बिमा कार्यक्रम लागू भएयता रू एक अर्ब ८८ करोड ९६ लाख ७८ हजार एक सय ५८ प्राप्त गरेको छ । यो अवधिमा बिमितले १० लाख ३५ हजार एक सय १५ पटक सेवा पाएका छन् । सेवा दिएबापत अस्पतालले बिमा बोर्डबाट सो रकम प्राप्त गरेको हो । अस्पतालको स्वास्थ्य बिमा कार्यक्रमका इन्चार्ज लीलाधर पौडेलका अनुसार विसं २०७४ भदौ १ गतेदेखि भरतपुर अस्पतालमा बिमा कार्यक्रम लागू भएको हो । पहिलो वर्ष ३२ हजार छ सय दुईपटक सेवा दिइएको थियो । त्यसवापत अस्पतालले बिमा बोर्डबाट रू एक करोड २८ लाख ९२ हजार दुई सय…