स्व.खिमानन्द न्यौपानेको स्मृतिमा रक्तदान कार्यक्रम हुँदै
चितवन, असोज १– चितवनमा पछिल्लो समय रक्तदान कार्यक्रमहरु निरनतर हुन थालेका छन् । रक्त अभियन्ताहरुले रक्तदानको क्षेत्रलाई फराकिलो गर्दै लैजान थालेपछि रक्तदानका कार्यक्रमहरु बढ्दै गइरहेका छन् । १० वर्ष अघि चितवनमै मृत्यु संस्कारमा पनि रक्तदानको कार्यक्रम सुरुवात गरिएको थियो । अहिले त्यसले निरन्तरता पाउँदै गइरहेको छ भने स्मृति दिवसमा पनि रक्तदानले प्राथमिकता पाइरहेको छ । करिव २ दशकदेखि रक्तअभियानमा सक्रिय हुँदै आइरहेका वल्र्ड ब्लड डोनर्स अर्गनाइजेशन नेपालका कार्यक्रम संयोजक हरिप्रसाद न्यौपानेका स्वर्गीय बुवा खिमानन्द न्यौपानेको तेस्रो स्मृतिमा वृहत रक्तदान कार्यक्रम हुन लागेको छ । यही शनिबार विहान ७ बजेदेखि भरतपुरस्थित चौविसकोठी चोकमा रक्तदान कार्यक्रम गर्न लागिएको न्यौपानेले जानकारी दिए ।…
