चितवन, असार १२ –
रास्वपाको महाधिवेशनमा पदाधिकारीको अन्तिम नामावली सार्वजनिक भएपछि उम्मेदवारहरूले मत माग्न थालेका छन् ।
६ दिनदेखि जारी महाधिवेशनमा हिजो राति बल्ल केन्द्रीय सदस्यहरूको निर्वाचन सम्पन्न भएपछि दोस्रोचरणमा पदाधिकारी चयन गर्न लागिएको हो ।
पदाधिकारीका लागि महिला उपसभापति-१, महामन्त्री-१ र सहमहामन्त्री- ३ पदका लागि निर्वाचन हुँदैछ । सहमहामन्त्री तीन मध्ये १ महिला हुनेछन् ।
६ दिन देखि जारी महाधिवेशनको लम्बेतान प्रक्रियाका कारण निकै सकस खेपिरहेका प्रतिनिधिहरू अहिले मतदानका लागि लाइन लाग्न थालिसकेका छन् । महाधिवेशनमा स्थलमा मत भाग्ने क्रममा नाचगान चलिरहेको छ ।
