अघिल्लो दिन ‘रेकर्ड’ बिन्दुमा पुगेको सुनको मूल्य आज केहि घटेको छ । नेपाली बजारमा सोमबार सुनको मूल्य ६०० रुपैयाँले घटेर प्रतितोला दुई लाख ७० हजार कायम भएको नेपाल सुनचाँदी व्यवसायी महासंघले जनाएको छ।
आइतबार सुनको मुल्य दुई लाख ७० हजार ६०० रुपैयाँमा कारोबार भएको थियो ।
महासंघका अनुसार आज चाँदी भने प्रतितोला चार हजार ८९५ रुपैयाँ पुगेको छ । यो अहिलेसम्मकै उच्च हो । आइतबार चाँदी चार हजार ८३५ रुपैयाँमा कारोबार भएको थियो ।
