कालिका । कालिका नगरपालिका वडा नं १० स्थित सिद्धि छात्राबासमा आवासीय सुविधा सहित अध्यायन गरिरहेका चार जना चेपाङ छात्र, छात्राले एसइई पास गरेका छन् । एसइईको मौका परीक्षामा सहभागी भएका चारै जना उत्तीर्ण भएको छात्राबासका अध्यक्ष भरत चेपाङले जानकारी दिए ।
छात्राबासबाट सरकारी विद्यालय मार्फत परीक्षामा सहभागी भएका रामजी चेपाङ ,अनन्त माथोक(चेपाङ), लालकुमार चेपाङ र यनुका चेपाङ उत्तीर्ण भएको उनले जानकारी दिए । अनन्तले एउटा विषय, रामजीले दुइटा विषय, यनुकाले तीनवटा विषय र लालकुमारले चार वटा विषयमा मौका परीक्षा दिएका थिए ।
छात्राबासबाट आर्थिक बर्ष २०७५÷७६ मा तीन जना, २०७६÷७७ मा सात, २०७७÷ ७८मा चार जना, २०७८÷७९ मा दुइ जना, २०७९÷८० मा शून्य र २०८०÷८१ मा चार जना उत्तीर्ण भगका छन् । भौगोलिक विकटता र आर्थिक अभावका कारण शिक्षाबाट बन्चित चेपाङ बालबालिकालाई छात्राबासले आवासीय सुविधा सहित अध्यायन गरिरहेका छन् । दाताहरुबाट सहयोग मागेर चेपाङ बालबालिका शिक्षा प्रदान गरिरहेको छात्राबासका अध्यक्ष भरत चेपाङले जानकारी दिए ।
