भरतपुर । सस्तो फर्निचर एण्ड फर्निसिङको शाखा भरतपुरमा सञ्चालनमा ल्याइएको छ । विगत १४ बर्ष देखि रत्ननगरको टाँडीमा सेवा प्रदान गर्दै आएको सस्तो फर्निचरले भरतपुरका ग्राहकहरुका लागि बाइवास रोड स्थित आँखा अस्पताल अगाडि शाखा सोरुम सञ्चालनमा ल्याएको हो ।
आइतबार आयोजित एक औपचारिक कार्यक्रमका बीच उद्योग संघ बागमती प्रदेश समिति तथा चितवन उद्योग संघका पूर्व अध्यक्ष भेषराज दुवाडीले उद्घाटन गरेका हुन् । कार्यक्रमका प्रमुख अतिथि समेत रहेका दुवाडीले सस्तो फर्निचरले गुणस्तरीय सामानको खोजी गर्ने स्तरीय ग्राहकको माग पुरा गर्दै आएको भन्दै व्यवसायिक सफलताको शुभकामना दिएका थिए । फर्निचरका गुणस्तरीय सामग्री सस्तोमुल्यमा ग्राहकलाई उपलब्ध गराउदै आएको सस्तो फर्निचरले चितवनमा अर्को नयाँ शाखा भरतपुरको वाइपास रोडमा सञ्चालनमा ल्याइएको सञ्चालक अनिल अघिकारीले जानकारी दिनुभयो ।
घर तथा अफिललाई चाहिने सम्पूर्ण फर्निचरका सामग्री संस्तो मुल्यमा उपलब्ध गराउने गरी सोरुम सञ्चालनमा ल्याइएको अधिकारीको भनाई छ । हामीले गुणस्तरीय सामन अन्त भन्दा सस्तो मुल्यमा उपलब्ध गराउदै आएका छौं उहाँले भन्नुभयो ग्राहकलाई दिएको सामग्रीको ग्यारेन्टी समेत हामीले लिन्छौं । भरतपुरमा रहेका आफ्ना ग्राहकहरुलाई छिटो र सरल रुपमा सेवा प्रदान गर्न नयाँ शाखा विस्तार गरेको सञ्चालक अधिकारीले बताउनुभयो ।
सस्तो फर्निचरमा आफैले उत्पादन गरेका सोफा, पलाङ, दराज, डाइनिङ टेवल तथा कार्यालय प्रयोजनका लागि चाहिने चाइनिज फर्निचरका सामग्री समेत सस्तो मुल्यमा उपलब्ध गराउने उनले जानकारी दिए । मिडिया उद्यमीको रुपमा स्थापित अधिकारी सफल व्यवसायी समेत हुन् । रिलेशन एफएम र रिलेशन खबरका सञ्चालक समेत रहेका अधिकारी रत्ननगर उद्योग बाणिज्य संघका कार्यसमिति सदस्य समेत हुन ।
