बझाङ। बझाङको बुङ्गल नगरपालिका-१० स्थित टुमेडामा एक घरमाथिबाट पहिरो जाँदा बेपत्ता भएका चारै जनाको शव फेला परेको छ ।
गयराति १ बजे एक्कासी घरमाथिबाट गएको पहिरोमा परि बेपत्ता भएका काली धामी, गोल्की धामी, आसिका धामी, लक्ष्मी धामी शव उद्धार गरि निकालिएको हो । स्थानीय र प्रहरी चौकी झापाको टोलीको सक्रियतामा बिहान ७: २० बजे चारै जना शव पुरिएको घरभित्रबाट निकालिएको जिल्ला प्रहरी कार्यालय बझाङले जनाएको छ । ९ जना सदस्य रहेको उक्त घरमाथि राति १ बजे खसेको पहिरोले घर क्षतविक्षत बनाएको छ।
पहिरो जानेबित्तिकै गाउँलेको प्रयासले बिरा धामी , उज्जल धामी, रोसन धामी, कमला धामी, शान्ति धामी गरि ५ जनाको तत्काल जिवितै उद्धार गरिएको थियो ।
