कुकुर मारेको निहुँमा कावासोतीमा छोराद्वारा बुबाको हत्या
नवलपरासी । नवलपुरको कावासोतीमा कुकुर मारेको विषयमा घर झगडा हुँदा १८ बर्षीय छोराले ४३ बर्षीय बुबाको हत्या गरेका छन् । जिल्ला प्रहरी कार्यालय नवलपुरका प्रहरी नायव उपरीक्षक वेदबहादुर पौडेलका अनुसार कावासोती ५ ठकुरी चोक बस्ने १८ बर्षीय निराजन कुमालले आज विहान आफ्नै बुबा ४३ बर्षीय प्रेमबहादुर कुमालको हत्या गरेका हुन् । घर पालेको कुकुरलाई बुबाले कुटेको विषयमा झै झगडा हुँदा छोराले ढुंगाले टाउकोमा प्रहार गरी बुबाको हत्या गरेका हुन् । प्रहरीले हत्या आरोपमा छोरालाई पक्राउ गरेको छ भने घटना स्थलको मुचुल्का तयार पारी शव पोष्टमार्टमका लागि मध्यविन्दु जिल्ला अस्पताल डण्डामा लगिएको छ । घटनाको अनुसन्धान भईरहेको प्रहरीले जनाएको छ ।…
