चितवनको साल्ट ट्रेडिङ कर्पोरेसन शाखाद्धारा सरकारको नीतिअनुसार मल बिक्री वितरण

नारायणगढ (चितवन),असार ३२– यहाँस्थित साल्ट ट्रेडिङ कर्पोरेसन शाखा कार्यालयले आर्थिक वर्ष २०८२/ ८३ को हालसम्म जिल्लामा ३५ हजार ८३८ बोरा युरिया, ४४ हजार ९४४ बोरा डीएपी र चार हजार ९४३ बोरा पोटास मल बिक्री वितरण गरिसकेको छ । हाल कार्यालयबाट नौ हजार २०० बोरा युरिया र एक हजार बोरा डीएपी बिक्री भइरहेको छ । थप बिक्रीका लागि कार्यालयमा सात हजार ८०२ बोरा युरिया, दुई हजार ८६६ बोरा डीएपी र १२ हजार ४२५ बोरा पोटास मौज्दात रहेको कार्यालयले जनाएको छ । हाल ५० केजी युरियाको मूल्य रु ८४७, डीएपीको रु दुई हजार २९७ र पोटासको रु एक हजार ६९७ कायम रहेको…

रत्ननगर, साउन ३२- पूर्वी चितवनको रत्ननगर नगरपालिका–४ र ८ अन्तर्गत पर्ने निपनी चोकदेखि सौराहासम्मको भित्री सडक खण्डमा दुर्घटना न्यूनीकरण तथा सडक सुरक्षा प्रवर्द्धन गर्ने उद्देश्यले १४ वटा ट्राफिक कन्भेक्स मिरर जडान गरिएको छ। चित्रसेन मध्यवर्ती सामुदायिक वनसँगको सहकार्यमा सडकका मोड तथा दृष्टि अवरुद्ध हुने दुर्घटना जोखिमयुक्त स्थानहरूमा कन्भेक्स मिरर जडान गरिएको हो। ती मिररले सवारी चालकलाई विपरीत दिशाबाट आउने सवारी साधन समयमै देख्न सहज बनाउने भएकाले दुर्घटनाको जोखिम कम हुने विश्वास गरिएको छ। बढ्दो सवारी चापसँगै सडक सुरक्षालाई प्राथमिकतामा राख्दै जोखिमयुक्त स्थानहरूको पहिचान गरी मिरर जडान गरिएको जनाइएको छ। यसबाट स्थानीयवासी, पर्यटक तथा दैनिक आवतजावत गर्ने सवारी चालकहरू प्रत्यक्ष रूपमा…

गैंडाकोट, साउन ३२- नवलपरासी (बर्दघाट–सुस्तापूर्व) को गैंडाकोट नगरपालिका वडा नं. २ स्थित नारायणी नदी किनारमा हिजो एक पुरुषको बेवारिसे शव फेला परेको थियो। नदी किनारमा रहेको होटल छिमेकीभन्दा केही तलपट्टि अन्दाजी ४० वर्षका पुरुषको शव फेला परेको हो। गैंडाकोट वडा नं. २ का वडाअध्यक्ष प्रकाश सापकोटाका अनुसार स्थानीयले शव देखेपछि तत्कालै जनप्रतिनिधि र प्रहरीलाई खबर गरेका थिए। फेला परेको शवको पहिचान खुल्न सकेको छैन। शवको सनाखत र थप अनुसन्धानका लागि शवलाई भरतपुर अस्पताल, चितवन पठाइएको वडाअध्यक्ष सापकोटाले जानकारी दिनुभयो। घटनाका सम्बन्धमा प्रहरीले थप अनुसन्धान अघि बढाएको छ।

चितवन, असार ३२ – भरतपुर महानगरपालिकाले जिल्ला प्रहरी कार्यालय चितवनसँगको समन्वयमा २९ वटै वडामा सिसी क्यामेरा जडान गरेको छ । महानगरपालिकाले कुल ४१८ वटा सिसी क्यामेरा जडान गरेको सूचना प्रविधि अधिकृत विकल्प काफ्लेले जानकारी दिनुभयो । उहाँका अनुसार महानगरको सहरी क्षेत्रमा बढी र ग्रामीण क्षेत्रका सडकमा आवश्यकताअनुसार क्यामेरा जडान गरिएको छ । एउटा वडामा आवश्यकताअनुसार आठदेखि २० वटासम्म क्यामेरा जडान गरिएको छ । महानगरपालिकाले चालु आर्थिक वर्षको बजेटबाट मूल्य अभिवृद्धि करसहित रु पाँच करोड ५८ लाख २० हजार ६५९ खर्च गरी क्यामेरा जडान गरेको हो । महानगरले पहिलोपटक आह्वान गरेको बोलपत्र प्राविधिक मूल्याङ्कनमा असफल भएपछि पुनः बोलपत्रमार्फत क्यामेरा जडान गरिएको…

नारायणगढ (चितवन), असार ३२– धान रोपाइँको मुख्य यामसँगै चितवनमा रासायनिक मलको वितरणलाई तीव्र पारिएको छ । कृषि सामग्री कम्पनी लिमिटेड, भरतपुर शाखाले जिल्लाभरका सूचीकृत सहकारीमार्फत अनलाइन प्रणालीबाट मल वितरण गर्दै १५ दिनमै ९६९.१७५ मेट्रिक टन रासायनिक मल बिक्री गरेको जनाएको छ । शाखाका प्रमुख राजन बगालेका अनुसार असारको पछिल्लो १५ दिनमा युरिया ६६८.२०० मेट्रिक टन, डिएपी २०१.८०० मेट्रिक टन र पोटास ९९.१७५ मेट्रिक टन बिक्री भएको छ । उहाँले जिल्लाका २७८ सूचीकृत सहकारी मार्फत अनलाइन प्रणालीबाट मल वितरण भइरहेको जानकारी दिँदै यसले वितरण प्रक्रियालाई व्यवस्थित र पारदर्शी बनाएको बताउनुभयो । प्रमुख बगालेले भन्नुभयो, “वितरण प्रणाली अनलाइन गरिएपछि काम निकै सहज…

नारायणगढ (चितवन),असार ३१- सोमबार परेको अविरल वर्षापछि आएको बाढीका कारण चितवनको रत्ननगर क्षेत्रमा मौरीपालन व्यवसायमा ठूलो क्षति पुगेको छ । पालिकाको मनिखोला र लालपर्सा क्षेत्रमा चरनका लागि राखिएका सयौँ मौरीघार बगाउँदा तथा मौरीगोला नष्ट हुँदा करिब रु ६० लाखबराबरको प्रारम्भिक क्षति भएको अनुमान गरिएको छ । रत्ननगर नगरपालिकाको कृषि विकास शाखाका प्रमुख प्रवीण लामाका अनुसार वडा नं ११ अन्तर्गत पन्कन्या सामुदायिक वन क्षेत्रस्थित मनिखोला र वडा नं ९ को लालपर्सामा राखिएका मौरीघार बाढीले बगाएको तथा मौरीगोला नष्ट गरेको हो । अधिकांश घारमा मह निकाल्ने समय भइसकेकाले थप आर्थिक क्षति भएको उहाँले बताउनुभयो । मनिखोला क्षेत्रमा शङ्कर भट्ट (रत्ननगर–१२) का २५०…