चितवनको टाँडीमा दक्षिणकाली इन्भेष्टमेन्टको नयाँ शाखा

चितवन, भदौ १- दक्षिणकाली इन्भेष्टमेन्ट एण्ड सेक्युरिटीज प्रालि (स्टक ब्रोकर नं. ३३) ले चितवनको रत्ननगर-२, टाँडीमा आफ्नो नयाँ शाखा कार्यालय सञ्चालनमा ल्याएको छ । उक्त शाखाको एक विशेष समारोहका बीच औपचारिक रूपमा उद्घाटन गरिएको छ । नयाँ शाखाको उद्घाटन रत्ननगर उद्योग वाणिज्य संघका अध्यक्ष एवं कार्यक्रमका प्रमुख अतिथि शंकर गिरीले गरेका थिए । समारोहमा स्थानीय लगानीकर्ता, उद्यमी, व्यवसायी तथा कम्पनीका विशिष्ट अधिकारीहरूको उल्लेख्य उपस्थिति रहेको थियो । समुद्घाटन समारोहलाई सम्बोधन गर्दै प्रमुख अतिथि गिरीले दक्षिणकाली इन्भेष्टमेन्टले रत्ननगरमा आफ्नो सेवा विस्तार गरेकोमा खुसी व्यक्त गरे । उनले यस शाखाको स्थापनाले चितवन र आसपासका क्षेत्रका लगानीकर्ताहरूलाई पूँजी बजारमा प्रत्यक्ष, पारदर्शी र सहज…

चितवन, भदौ १- मधेस, बागमती र गण्डकी प्रदेशका ५४ विद्यालयका २३४ जना स्काउट विद्यार्थीलाई नेतृत्व विकाससम्बन्धी तालिम सम्पन्न गरिएको छ । चितवन स्मार्ट स्काउट क्रूको आयोजनामा तीनदिने ‘ट्रुप लिडर ट्रेनिङ क्याम्प’ तथा नेतृत्व विकास तालिम सम्पन्न गरिएको हो । तालिम संयोजक आकाश न्यौपानेका अनुसार विद्यार्थीमा नेतृत्व क्षमता, अनुशासन र जिम्मेवारी बहन गर्ने क्षमताको विकास गर्ने उद्देश्यले तालिम सञ्चालन गरिएको हो । तालिममा स्काउट विद्यार्थीलाई नेतृत्व, टोली व्यवस्थापन तथा सामाजिक जिम्मेवारी लगायतका विषयमा प्रशिक्षण दिइएको थियो । पूर्वस्काउट आयुक्त इन्दु सुवेदीले ‘चेन अफ कमान्ड’मा रहेर काम गर्ने स्काउट प्रणालीले विद्यार्थीलाई अनुशासन र जिम्मेवारी बहन गर्न सिकाउने बताउनुभयो । उहाँले असल विद्यार्थी…

चितवन, भदौ १ – सपना भिलेज सोसियल इम्प्याक्टले ग्रामीण समुदायमा हालसम्म ६ हजार ५०० बढी सुधारिएको धुवाँरहित चुलो वितरण गरेको छ । स्वच्छ, सुरक्षित तथा स्वास्थ्यमा मैत्रीपूर्ण खाना पकाउने प्रविधिको पहुँच विस्तार गर्ने उद्देश्यले सुधारिएको धुवाँरहित चुलो वितरण गरिएको हो । पछिल्लो पटक संस्थाले राप्ती नगरपालिका–८ का १५० परिवारलाई सुधारिएको धुवाँरहित चुलो वितरण गरेको हो । संस्थाका अध्यक्ष ध्रुव गिरीका अनुसार वडा कार्यालयबाट थप ५०० चुलो वितरणका लागि सिफारिस प्राप्त भएको छ । समुदायको आवश्यकता पहिचान गरी ती चुलोसमेत क्रमशः वितरण गरिने उहाँले बताउनुभयो । सपना भिलेज सोसियल इम्प्याक्टले विगत दुई वर्षदेखि सुधारिएको चुलो उत्पादन तथा वितरण गर्दै आएको छ…

नारायणगढ (चितवन), भदौ १– चितवनमा विद्यालयका सवारीसाधनलाई सुरक्षित, अनुशासित र प्रविधिमैत्री बनाउँदै दुर्घटनाको जोखिम न्यूनीकरण गर्न गति नियन्त्रण उपकरण जडान गरिने भएको छ । जिल्ला प्रशासन कार्यालयमा प्रमुख जिल्ला अधिकारी गणेश अर्यालको संयोजकत्वमा आइतबार बसेको सामुदायिक तथा संस्थागत विद्यालयका सवारीसाधन व्यवस्थापन, नियमन तथा दुर्घटना न्यूनीकरणसम्बन्धी समन्वय बैठकले विद्यार्थी बोक्ने विद्यालयका सबै सवारीसाधनमा अधिकतम गति प्रतिघण्टा ४० किलोमिटर कायम गर्ने निर्णय गरेको हो । बैठकले विद्यालयका सवारीसाधनमा १५ दिनभित्र गति नियन्त्रण गर्ने उपयुक्त प्रविधि जडान गर्नुपर्ने र त्यसको अनुगमन जिल्ला ट्राफिक प्रहरी कार्यालय तथा जिल्ला प्रहरी कार्यालय चितवनले गर्नेछ । गति नियन्त्रण प्रविधि जडान नगरेका सवारीसाधन सञ्चालनमा रोक लगाइने प्रमुख जिल्ला…

नवलपरासी, साउन ३१- पश्चिम नवलपरासीको सुस्ता क्षेत्रमा नारायणी नदीले तटबन्धको माथिल्लो भाग तीव्र रूपमा कटान गरेपछि तटीय बस्ती गम्भीर जोखिममा परेको छ। नदी नियन्त्रण तथा सम्भावित क्षति रोक्न नारायणी नदी व्यवस्थापन आयोजनाका प्रमुख डा नारायण प्रसाद सुवेदी आफैँ कार्यस्थलमा खटिएर बचाउ कार्यको नेतृत्व गरिरहेका छन्। विगत एक सातादेखि सुस्तामै डेरा जमाएर बसेका डा सुवेदीले प्राविधिक निर्देशन मात्र दिएका छैनन्, आफैँ बालुवाका बोरा भर्ने, पर्कुपाइन सेट गर्ने र पर्खाल निर्माणमा हातेमालो गरिरहेका छन्। लगातारको शारीरिक श्रमका कारण उनमा ढाडको समस्या देखिए पनि नदी कटानको गम्भीरतालाई ध्यानमा राख्दै उनले कार्यस्थल छाडेका छैनन्। आयोजना प्रमुख स्वयं फिल्डमा उत्रिएपछि स्थानीयवासी र कामदारहरूमा थप उत्साह…

भरतपुर, साउन ३१- चितवनको राप्ती नगरपालिका–१ डिपाट बस्तीमा आइतबार बिहान बाघको आक्रमणबाट एक जना घाइते भएका छन् भने एक गाई घाइते भएको छ। बिहान अन्दाजी ६:४० बजे गाउँमा छिरेको बाघले स्थानीय ६० वर्षीय ठाकुर अधिकारीलाई आक्रमण गरेको थियो। आक्रमणबाट उनको तिघ्रामा सामान्य चोट लागेको छ। घाइते अधिकारीको हाल भरतपुर सरकारी अस्पतालमा उपचार भइरहेको छ। सोही क्रममा बाघले स्थानीय दिला कुमारी तामाङको गोठमा बाँधिएको जर्सी गाईलाई समेत आक्रमण गरी सामान्य घाइते बनाएको जिल्ला प्रहरी कार्यालय चितवनका सूचना अधिकारी प्रहरी नायब उपरीक्षक (डिएसपी) चन्द्रभुसन यादवले जानकारी दिए। गाउँमा बाघ छिरेपछि नियन्त्रणका लागि चितवन राष्ट्रिय निकुञ्जबाट हात्ती र प्राविधिक टोली खटाइएको थियो। टोलीले…

चितवन, साउन ३१- पूर्वी चितवनको प्रमुख स्वास्थ्य संस्थाका रूपमा रहेको बकुलहर रत्ननगर प्रादेशिक अस्पतालमा उपचारका लागि आउने बिरामीको संख्या निरन्तर बढ्दै गएको छ। विशेषज्ञ चिकित्सकबाट सेवा, उपचारमा आधुनिक प्रविधिको प्रयोग र अस्पतालको स्तरोन्नतिसँगै सेवाग्राहीको संख्या बढेको अस्पतालले जनाएको छ। अस्पतालका अनुसार आर्थिक वर्ष २०८२/८३ मा मात्रै ३ लाख १७ हजार २६६ जनाले उपचार सेवा लिएका छन्। अघिल्लो आर्थिक वर्ष २०८१/८२ मा २ लाख ९६ हजार ५३८ जनाले सेवा लिएका थिए। आर्थिक वर्ष २०८२/८३ मा २७ हजार ६६ जनाले आकस्मिक सेवा लिएका छन् भने ४ हजार ६८५ जना भर्ना भएर उपचार गराएका छन्। अस्पतालमा दैनिक १ हजार ५०० भन्दा बढीले ओपीडी…