चितवनमा विद्यालय बसको यान्त्रिक र सवारी चालकको स्वास्थ्य परीक्षण सुरु
चितवन, वैशाख २३– चितवनमा नयाँ शैक्षिक सत्र सुरु भएसंगै विद्यालयहरुको बसको यान्त्रिक परीक्षण र चालकहरुको स्वास्थ्य परीक्षण सुरु गरिएको छ । जिल्ला ट्राफिक प्रहरी कार्यालय चितवनले बुधबारदेखि भरतपुर गेष्टहाउस चौरमा निःशुल्क यान्त्रिक चेकजाँचसंगै बस चालकको पनि स्वास्थ्य परीक्षणको सुरुवात गरेको हो । प्याब्सन चितवनको सहकार्यमा दुर्घटना न्यूनीकरणका लागि विद्यालय बसको निःशुल्क यान्त्रिक परीक्षणसंगै चालकहरुको पनि स्वास्थ्य परीक्षण सुरु गरिएको जिल्ला ट्राफिक प्रहरी कार्यालय चितवनका प्रमुख अनिल थापाले जानकारी दिनुभयो । उहाँका अनुसार पहिलो दिन ५५ वटा बसको यान्त्रिक परीक्षण गरिएको छ । ती बसका चालकहरुको भने स्वास्थ्य परीक्षण गरिएको छ । चालकहरुको पुरानो मेडिकल कलेजको प्राविधिक सहयोगमा आँखा, दाँच, मधुमेह…
