निजामती अस्पतालको सेवा अब चितवनबाटै, भरतपुर अस्पतालमा उपचार गर्ने कर्मचारीले सहुलियत पाउने

चितवन, जेठ २५- निजामती कर्मचारीले स्वास्थ्य उपचारका लागि काठमाडौंकै निजामती कर्मचारी अस्पताल (सिभिल अस्पताल) धाउनुपर्ने बाध्यता अन्त्य गर्दै सरकारले प्रदेश स्तरमै उक्त अस्पतालको सेवा विस्तार गरेको छ। भूमि व्यवस्था, सहकारी, सङ्घीय मामिला तथा सामान्य प्रशासन मन्त्रालयले जेठ २५ (सोमबार) देखि नै लागू हुने गरी विभिन्न प्रदेश अस्पतालहरूबाट कर्मचारीहरूलाई स्वास्थ्य सेवा उपलब्ध गराउन लागेको हो। सेवा प्रदानका लागि भरतपुर अस्पतालसंग सम्झौता भएको प्रमुख मेडिकल सुपरिटेण्डेण्ट (मेसु) विश्वबन्धु बगालेले जानकारी दिनुभयो । अब भरतपुर अस्पतालबाट कार्ड भएका कर्मचारीहरूले सिभिल अस्पतालले दिने सरहकै सेवा प्राप्त गर्ने उहाँले बताउनुभयो । सरकारले बागमती प्रदेशका लागि भरतपुर अस्पताल र मधेस प्रदेशका लागि वीरगन्जस्थित नारायणी अस्पतालसँग सम्झौता…

चितवन, जेठ २४- राष्ट्रिय स्वतन्त्र पार्टी (रास्वपा) ले आज देशभरका २८ जिल्लामा पहिलो जिल्ला अधिवेशन आयोजना गर्दैछ। पार्टीलाई तदर्थ संरचनाबाट पूर्ण वैधानिक र जनअनुमोदित संगठनमा रूपान्तरण गर्ने अभियानअन्तर्गत अधिवेशन हुन लागेको हो। रास्वपाको केन्द्रीय निर्वाचन आयोगका प्रमुख भुवन केसीका अनुसार कोशी प्रदेशका चार, मधेश प्रदेशका चार, बागमती प्रदेशका दुई, गण्डकी प्रदेशका चार, लुम्बिनी प्रदेशका तीन, कर्णाली प्रदेशका छ तथा सुदूरपश्चिम प्रदेशका पाँच जिल्लामा एकैसाथ अधिवेशन हुँदैछ। आज उदयपुर, सोलुखुम्बु, खोटाङ, इलाम, सिराहा, धनुषा, पर्सा, सर्लाही, चितवन, दोलखा, तनहुँ, नवलपरासी (बर्दघाट सुस्ता पूर्व), गोरखा, लमजुङ, अर्घाखाँची, रुपन्देही, प्युठान, सुर्खेत, जाजरकोट, दैलेख, रुकुम पश्चिम, मुगु, जुम्ला, अछाम, डोटी, कैलाली, कञ्चनपुर र बाजुरामा…

चितवन, जेठ २४- चितवनको भरतपुर महानगरपालिका–२९ स्थित जुगेडी बजारमा ट्रकको ठक्करबाट गम्भीर घाइते भएका एक पैदलयात्रीको उपचारका क्रममा मृत्यु भएको छ। जिल्ला प्रहरी कार्यालय चितवनले जारी गरेको प्रेस विज्ञप्तिअनुसार, गत जेठ १९ गते राति अन्दाजी १०:१० बजे नारायणगढबाट मुग्लिङतर्फ जाँदै गरेको ग१ख ५९५१ नम्बरको ट्रकले ती पैदलयात्रीलाई ठक्कर दिएको थियो। ठक्करबाट गम्भीर घाइते भएका अन्दाजी ६७ वर्षीय पुरुषको चितवनस्थित नयाँ मेडिकल कलेज भरतपुरमा उपचार भइरहेकोमा उपचारकै क्रममा जेठ २३ गते मृत्यु भएको हो। मृतकले आफ्नो नाम रामप्रसाद अधिकारी बताए पनि उनको स्थायी ठेगाना भने खुल्न नसकेको प्रहरीले जनाएको छ। दुर्घटनामा संलग्न ट्रक र चालकलाई जिल्ला प्रहरी कार्यालय चितवनले नियन्त्रणमा लिएको…

चितवन, जेठ २२- बहुप्रतीक्षित भरतपुर–माडी जोड्ने निकुञ्ज सडक निर्माणका लागि संघीय सरकारको पूर्वाधार विकास मन्त्रालयले ९ करोड रुपैयाँ बजेट विनियोजन गर्ने निश्चित भएको छ। चितवन क्षेत्र नं. ३ का प्रतिनिधिसभा सदस्य तथा संघीय कानुनमन्त्री सोविता गौतमको सचिवालयका अनुसार मन्त्रालयले तयार गरिरहेको आगामी आर्थिक वर्षको रातो किताबमा उक्त सडकका लागि ९ करोड रुपैयाँ बजेट सुनिश्चित गरिएको हो। हाल सडकको वातावरणीय प्रभाव मूल्यांकन (ईआईए) प्रक्रिया अन्तिम चरणमा रहेकाले पहिले सो प्रक्रिया पूरा गरिने र त्यसपछि सुनिश्चित बजेटबाट कालोपत्रे सडक निर्माणको काम अघि बढाइने जनाइएको छ। सचिवालयका अनुसार मन्त्री गौतमले निकुञ्जभित्र सडक निर्माणसहित माडी तथा चितवन क्षेत्र नं. ३ का विभिन्न पूर्वाधार योजनालाई…