बाघको आक्रमणपछि मेघौलीमा त्रास, ६५ वर्षीय वृद्धको खोजी तीव्र

चितवन,साउन २६- चितवनको भरतपुर महानगरपालिका–२८, मेघौली जितपुरका ६५ वर्षीय मङ्गले बोटेलाई मंगलबार बिहान बाघले आक्रमण गरी जंगलतर्फ लगेको छ। स्थानीयका अनुसार बिहान करिब पौने ५ बजे मर्निङ वाकका लागि घरबाट निस्किएका बोटेलाई मेघौलीस्थित होटल साङ्ग्रीलानजिकैबाट बाघले आक्रमण गरी जंगलतर्फ लगेको हो। घटनापछि स्थानीयवासी, नेपाल प्रहरी, सशस्त्र प्रहरी बल तथा चितवन राष्ट्रिय निकुञ्जको टोलीले बेपत्ता बोटेको खोजी तथा उद्धार कार्य तीव्र पारेको छ। निकुञ्जको मध्यवर्ती क्षेत्रनजिक पर्ने उक्त क्षेत्रमा वन्यजन्तुको आवागमन बाक्लो हुने भएकाले स्थानीयवासी त्रसित बनेका छन्। घटनापछि स्थानीय प्रशासन तथा सुरक्षा निकायले सो क्षेत्रका बासिन्दालाई विशेष सतर्कता अपनाउन र बिहान–बेलुका एक्लै बाहिर ननिस्कन आग्रह गरेको छ। बोटेको अवस्था तथा…

चितवन,साउन २६- जिल्ला प्रशासन कार्यालयले ८०२ व्यक्तिको घरमा खाना पकाउने ग्यासको सिलिण्डर पुर्‍याउन सहजिकरण गरेको छ । असाहय, अशक्त, अपाङ्, दीर्घरोगी, सुत्केरी, एकल महिला, ज्येष्ठ नागरिक, विद्यार्थीलाई सो सङ्ख्यामा ग्यास घरमा पु¥याइएको हो । गत एक सातामा प्रशासनको टोल फ्रि नम्बरमा ग्यासको अभाव भएको गुनासो टिपाएका उपभोक्तालाई सहजीकरण गरिएको हो । प्रमुख जिल्ला अधिकारी गणेश अर्यालका अनुसार भरतपुर, पूर्वी चितवन तथा पश्चिम चितवन क्षेत्रमा ती ग्यास सिलिण्डर वितरण गरिएको छ । ग्यासको अभाव भएका आश्रमहरुमा समेत आश्रममा नै ग्यास पुर्‍याइएको हो । उद्योगबाट ग्यास आउने, डिपोमा पुग्ने र डिपोबाट आम उपभोक्ताकोमा सहजरुपमा नपुग्ने गरेको गुनासो आएसँगै स्थानीय प्रशासनले ग्यास उद्योगदेखि…

चितवन, साउन २६- अण्डाको माग बढेपछि व्यवसायीले समर्थन मूल्य बढाएका छन् । नेपाल लेयर्स कुखुरापालक सङ्घले आजदेखि लागू हुने गरी अण्डाको समर्थन मूल्य बढाएको हो । सङ्घका अनुसार एक्सएल अण्डा प्रतिक्रेट (३० वटाको) रु ५६०, ठूलो अण्डा रु ५४५, मिडियम रु ५०० र सानो रु तीन हजार प्रतिपेटी (सात क्रेट) समर्थन मूल्य कायम गरिएको हो । सङ्घका अध्यक्ष विनोद पोखरेलका अनुसार बर्डफ्लुको सङ्क्रमण हटेको र धेरै कुखुरा मरेसँगै उत्पादन घटेकाले बजारको माग निकै बढेको छ । माग बढेसँगै अण्डाको मूल्य बढेको हो । फार्महरुले दिएको रेटका आधारमा समर्थन मूल्य जारी गरिएको उहाँले बताउनुभयो । मूल्य बढ्दै गर्दा पनि किसानले लागत…

चितवन, साउन २५- चितवनको प्रमुख पर्यटकीय गन्तव्य सौरहामा लामो समयदेखि सञ्चालित बाटिका रिसोर्टको व्यवस्थापन प्यारडाइज इन प्राइभेट लिमिटेडले सम्हाल्ने भएको छ । आगामी जेठ १ गतेदेखि लागू हुने गरी प्यारडाइज इनले रिसोर्टको व्यवस्थापकीय जिम्मेवारी लिन लागेको हो । वि.सं. २०५५ जेठ १४ (सन् १९९८ मे २८) मा स्थापना भएको बाटिका रिसोर्टले विगत करिब तीन दशकदेखि सौरहाको पर्यटन तथा आतिथ्य क्षेत्रमा योगदान पु¥याउँदै आएको छ । करिब २८ कट्ठा (९,५०१.६४ वर्गमिटर) को फराकिलो क्षेत्रफलमा फैलिएको यो रिसोर्ट पर्यटकीय तथा व्यावसायिक दुवै प्रयोजनका लागि उत्कृष्ट गन्तव्यका रूपमा परिचित छ । रिसोर्टमा ४० वटा सुविधासम्पन्न कोठाहरू छन् । २०० जना क्षमताको सभा हल,…

चितवन, साउन २५- हुलाकी राजमार्ग अन्तर्गत पर्ने चितवन राष्ट्रिय निकुञ्ज क्षेत्रभित्रको बाटो स्तरोन्नतीका लागि वातावरणीय प्रभाव मूल्याङ्कन (इआइए) गर्ने कार्य अगाडि बढेको छ । इआइएका लागी निकुञ्जभित्र रुखको छपान तथा नम्बरिङ (गणना) कार्य सकिएको छ। बाटोको बिचबाट दायाँबायाँ १५–१५ मिटर क्षेत्रमा पर्ने रुखहरु गणना गरिएको हो । उक्त क्षेत्रमा १९ सय ९६ वटा रुख गणना भएको चितवन राष्ट्रिय निकुञ्जका सूचना अधिकारी अविनाश थापा मगरले जानकारी दिए । ‘अहिले नम्बरिङ मात्रै गर्ने काम भएको हो । इआइए बनेर ती रुखहरु काट्नुपर्ने भएमा मन्त्रीपरिषद्को बैठकले निर्णय गर्नुपर्नेछ’, उनले भने । भरतपुर–माडी जोड्ने यो बाटोका कारण माडीबासीले सास्ती भोग्दै आएका छन् । अब…

भरतपुर, साउन २५- चितवन जिल्ला दुग्ध उत्पादक सहकारी संघले सञ्चालन गरेको डेरी मार्टको चौँथो शाखा भरतपुर–१२ टाउन चोकमा सोमबारदेखि औपचारिक रूपमा सञ्चालनमा आएको छ। स्थानीय उपभोक्तालाई शुद्ध, ताजा र गुणस्तरीय दुग्धजन्य पदार्थ सहज रूपमा उपलब्ध गराउने उद्देश्यले सहकारीले मार्टको विस्तार गरेको हो। उद्घाटन कार्यक्रममा बोल्दै भरतपुर महानगरपालिका वडा नं. १२ का अध्यक्ष लेखराज पन्त (हरि)ले किसानहरूले उत्पादन गरेका दूध तथा दुग्धजन्य पदार्थको बजारीकरणमा डेरी मार्टले महत्वपूर्ण भूमिका खेल्ने विश्वास व्यक्त गरे । ‘हाम्रा स्थानीय किसानहरूले उत्पादन गरेका दूध तथा शुद्ध दुग्धजन्य उत्पादनहरूलाई सीधै उपभोक्तामाझ पु¥याउने यो प्रयास अत्यन्तै सराहनीय छ’, वडा अध्यक्ष पन्तले भने, ‘यसले किसानलाई उचित मूल्य दिलाउनुका साथै…

चितवन, साउन २५– नेपाल सि.एम.ए. संघ जिल्ला कार्यसमिति चितवनको अध्यक्षमा दिनेश पाण्डे चयन भएका छन् । भरतपुरमा सम्पन्न पाँचौँ जिल्ला अधिवेशनबाट पाण्डेको अध्यक्षतामा ११ सदस्यीय नयाँ जिल्ला कार्यसमिति चयन गरिएको हो । समितिको उपाध्यक्षमा गोविन्दप्रसाद नेपाल र सचिवमा नवराज कँडेल चयन हुनुभएको छ। साथै अधिवेशनबाट चार जना केन्द्रीय प्रतिनिधिसमेत चयन भएका छन्। नवनिर्वाचित जिल्ला अध्यक्ष पाण्डेले चितवनका सम्पूर्ण पारामेडिक्स स्वास्थ्यकर्मीलाई एकताबद्ध गर्दै पेशागत हक, हित र अधिकारको रक्षाका लागि संगठनलाई थप मजबुत र प्रभावकारी बनाउँदै अघि बढ्ने प्रतिबद्धता व्यक्त गर्नुभयो। जिल्ला अध्यक्ष रामजी घिमिरेको अध्यक्षतामा सम्पन्न अधिवेशनमा संघका केन्द्रीय उपाध्यक्ष तथा बागमती प्रदेश संयोजक कपिल खनाल प्रमुख अतिथि रहनु भएको…