त्रिशूली र नारायणी नदीमा आकस्मिक बाढीको जोखिम: उच्च सतर्कता अपनाउन चितवन प्रशासनको अपील

चितवन, भदौ १०– चीनको तिब्बतबाट नेपाल छिर्ने त्रिशूली नदीमा आकस्मिक बाढी आई जलसतह उल्लेख्य रूपमा बढेकाले नदी तटीय क्षेत्रका बासिन्दालाई उच्च सतर्कता अपनाउन जिल्ला प्रशासन कार्यालय चितवनले अनुरोध गरेको छ। जिल्ला प्रशासन कार्यालय रसुवाको सूचनाका आधारमा चितवन प्रशासनले बुधबार अत्यन्त जरूरी सूचना जारी गर्दै सम्भावित विपद्‌बाट बच्न पूर्वतयारी र सावधानी अपनाउन आग्रह गरेको हो। प्रशासनले त्रिशूली र नारायणी नदीमा माछा मार्ने, बालुवा-गिट्टी उत्खनन गर्ने वा अन्य काम गर्ने व्यक्ति तथा मजदुरहरूलाई तत्काल नदी क्षेत्रमा नगर्न र नदी किनारमा रहेका भए तुरुन्त सुरक्षित स्थानमा जान निर्देशन दिएको छ। साथै, नदी तटीय क्षेत्रमा बसोबास गर्ने आम जनसमुदाय, निर्माणाधीन तथा सञ्चालित आयोजनाहरू र…

चितवन, भदौ १०– यहाँस्थित कृष्णपुरका विनोद ढकाललाई कक्षा ९ मा अध्ययनरत आफ्नो छोराले कपाल काटेर छोटो बनाओस जस्तो लाग्छ । उहाँले भन्नुभयो,“विद्यालयबाट बाबुलाई कपाल कटाउन लगाउनुपयो भनेर टेलिफोन कल पनि आएको छ । बाबुलाई कपाल छोटो बनाउन भन्दा मान्दैन । जबरजस्त गर्नुभएन ।” भरतपुर–१० का बुद्धिकान्त न्यौपानेको गुनासो पनि उस्तै खालको छ । उहाँ कक्षा १२ मा अध्ययनरत छोरालाई कपाल काट्न भन्न छाडेको बताउनुहुन्छ । उहाँले भन्नुभयो, “ठूलो छोरालाई कपाल काट्न भन्न छाडेँ, कक्षा ७ मा पढ्ने कान्छो छोराले पनि टेर्न छाड्यो ।” यी प्रतिनिधिपात्र मात्रै हुन्, पछिल्लो समय अधिकांश अभिभावकको गुनासो ‘छोराहरुले कपाल छोटो बनाउनै मान्दैनन्’ भन्ने नै हुने…

नारायणगढ (चितवन), भदौ ८– सांसद हरि ढकालले विकास निर्माणका विभिन्न आयोजना तथा योजनाको स्थलगत अनुगमन गर्नुभएको छ । उहाँले चितवन क्षेत्र नं १ का आयोजना तथा योजनाको स्थलगत अनुगमन गर्नुभएको हो । ढकाल चितवन जिल्ला क्षेत्र नं १ बाट निर्वाचित प्रतिनिधिसभा सदस्य एवं राज्य व्यवस्था तथा सुशासन समितिका सभापति हुन् । सभापति ढकालसहित सङ्घीय कार्यालयअन्तर्गतका प्रतिनिधि तथा प्राविधिक टोलीले रत्ननगर नगरपालिकाका विभिन्न वडामा पुगेर गत आर्थिक वर्षदेखि सञ्चालनमा रहेका तथा निर्माणाधीन आयोजनाको प्रगति, गुणस्तर र कार्यान्वयन अवस्थाबारे सम्बन्धित अधिकारी, प्राविधिक तथा स्थानीयसँग जानकारी लिनुभएको हो । चालु आर्थिक वर्षमा सञ्चालन हुने नयाँ आयोजना तथा कार्यक्रमका लागि आवश्यक तयारी र सम्भावित…

चितवन, भदौ ८– भरतपुर माध्यमिक विद्यालयमा अध्ययनरत १४ वर्षीया छात्रामाथि दुर्व्यवहार गरेको आरोपमा एक शिक्षकलाई चितवन प्रहरीले नियन्त्रणमा लिएको छ। जिल्ला प्रहरी कार्यालय चितवनका प्रमुख एसपी रामेश्वर पौडेलका अनुसार आरोपित शिक्षकलाई शनिबार नै नियन्त्रणमा लिइएको हो। घटनाबारे थप अनुसन्धान भइरहेको प्रहरीले जनाएको छ। सार्वजनिक बिदाका कारण आरोपितलाई तत्काल अदालतमा उपस्थित गराउन नसकिएको प्रहरीले जनाएको छ। प्रहरीका अनुसार सोमबार आरोपितलाई अदालतमा उपस्थित गराई अनुसन्धानका लागि म्याद थप गर्ने प्रक्रिया अघि बढाइनेछ। घटना सम्बन्धमा आवश्यक अनुसन्धान तथा प्रमाण संकलनको काम भइरहेको प्रहरीले जनाएको छ।

चितवन, भदौ ८– यहाँस्थित कृषि तथा वन विज्ञान विश्वविद्यालय रामपुरको उपकुलपति,‘रजिष्ट्रार’ र ‘डिन सहितको पदाधिकारीको टोलीले विभिन्न चारवटा आङ्गिक क्याम्पसको स्थलगत निरीक्षण एवं समस्याका बारेमा छलफल गरेको छ । विश्वबिद्यालयका उपकुलपति प्राडा ऋषिराम कट्टेलका अनुसार कलेज अफ नेचुरल रिसोर्स म्यानेजमेन्ट सिन्धुली, कटारी, पाख्रिबास र बर्दिबास क्याम्पसमा विश्वविद्यालयको टोली आकस्मिक निरीक्षण गरेको हो । ती चारवटामध्ये कटारीमा वन स्नातक अध्ययन अध्यापन हुन्छ भने तीन वटामा कृषि स्नातक तहको अध्ययन अध्यापन हुन्छ । विद्यार्थी, प्रध्यापक, कर्मचारी र क्याम्पस प्रमुखसँग छुट्टाछुट्टै छलफल गरिएको उपकुलपति प्राडा कट्टेलले जानकारी दिनुभयो । उहाँले भन्नुभयो, “ ती क्याम्पसको भौतिक पूर्वाधार, गुणस्तरीय शिक्षा, विद्यार्थीको भर्ना, सुशासन, पारदर्शिता, जवाफदेहिता…