Day: २२ जेष्ठ २०८३, शुक्रबार १८:११

चितवन, जेठ २२- बहुप्रतीक्षित भरतपुर–माडी जोड्ने निकुञ्ज सडक निर्माणका लागि संघीय सरकारको पूर्वाधार विकास मन्त्रालयले ९ करोड रुपैयाँ बजेट विनियोजन गर्ने निश्चित भएको छ। चितवन क्षेत्र नं. ३ का प्रतिनिधिसभा सदस्य तथा संघीय कानुनमन्त्री सोविता गौतमको सचिवालयका अनुसार मन्त्रालयले तयार गरिरहेको आगामी आर्थिक वर्षको रातो किताबमा उक्त सडकका लागि ९ करोड रुपैयाँ बजेट सुनिश्चित गरिएको हो। हाल सडकको वातावरणीय प्रभाव मूल्यांकन (ईआईए) प्रक्रिया अन्तिम चरणमा रहेकाले पहिले सो प्रक्रिया पूरा गरिने र त्यसपछि सुनिश्चित बजेटबाट कालोपत्रे सडक निर्माणको काम अघि बढाइने जनाइएको छ। सचिवालयका अनुसार मन्त्री गौतमले निकुञ्जभित्र सडक निर्माणसहित माडी तथा चितवन क्षेत्र नं. ३ का विभिन्न पूर्वाधार योजनालाई…

चितवन, जेठ २२- अटोमोवाइल्स बचत तथा ऋण सहकारी संस्था लिमिटेडले आफ्नो १५औँ स्थापना दिवसलाई सामाजिक उत्तरदायित्वसँग जोड्दै रत्ननगर–११, मंगलपुरस्थित गामवेसीको चेपाङ संरक्षण केन्द्रमा खाद्यान्न तथा आवश्यक सामग्री सहयोग हस्तान्तरण गरेको छ। संस्थाका अध्यक्ष कृष्णप्रसाद काफ्ले र चितवन अटोमोवाइल्स एशोसिएसनका अध्यक्ष मोहन केसीको अध्यक्षतामा सम्पन्न कार्यक्रममा संस्थापक अध्यक्ष भिमलाल न्यूरे प्रमुख अतिथिका रूपमा सहभागी थिए। कार्यक्रममा बोल्दै सहकारीका अध्यक्ष काफ्लेले स्थापना दिवस केवल उत्सवको अवसर नभई समाजप्रति उत्तरदायित्व निर्वाह गर्ने महत्वपूर्ण क्षण भएको बताए। उनले संस्थाका शेयर सदस्यहरूले स्वस्फूर्त रूपमा नगद तथा जिन्सी सामग्री उपलब्ध गराएर सहयोग अभियानलाई सफल बनाएकोमा धन्यवाद व्यक्त गरे। चितवन अटोमोवाइल्स एशोसिएसनका अध्यक्ष मोहन केसीले गामवेसीको चेपाङ…

चितवन,जेठ २२- रत्ननगरको टिकौली क्षेत्रमा कृष्णसार स्थानान्तरण गर्ने तयारी अन्तिम चरणमा पुगेको छ। तर, संरक्षण केन्द्र वरपर रहेका करिब १३० रुख व्यवस्थापन गर्नुपर्ने देखिएपछि काम केही ढिलाइ हुने भएको छ। डिभिजन वन कार्यालय चितवनका अनुसार इन्क्लोजर क्षेत्र वरिपरि रहेका रुखहरू हटाउनुपर्ने निष्कर्ष स्थलगत अध्ययनपछि निकालिएको हो। डिभिजन वन अधिकृत विष्णुप्रसाद आचार्यका अनुसार बाघ, चितुवा लगायत वन्यजन्तु रुख चढेर कृष्णसारमाथि आक्रमण गर्ने जोखिम भएकाले सुरक्षा दृष्टिले रुख व्यवस्थापन अनिवार्य बनेको हो।उनका अनुसार करिब १०६ रुख बाहिरी क्षेत्रमा र २३ रुख भित्री भागमा पर्ने देखिएको छ। “भित्र नुगेका र बाहिर ढल्केका रुख हटाउनै पर्ने अवस्था छ,” उनले बताए। कानुनी प्रक्रिया अघि बढाइँदै…

चितवन,जेठ २१- अक्सफोर्ड कलेज गैडाकोटको बसका चालकले मापसे (मादक पदार्थ सेवन) गरेर गाडी चलाएका कारण दुर्घटना भएको पुष्टि भएको छ । चितवनको भरतपुर महानगरपालिका–१६, बिजयनगर चोकस्थित भित्री सडक खण्डमा अक्सफोर्डको बसको ठक्करबाट बिहिबार एक साइकलयात्रीको मृत्यु भएको थियो । चालकले मापसे गरेको पुष्टि भएको जिल्ला प्रहरी कार्यालय चितवनका सूचना अधिकारी चन्द्रभुसन यादवले जानकारी दिनुभयो । उहाँले चालक र बस नियन्त्रणमा लिएको भन्दै पिडित परिवारका तर्फबाट जाहेरी दिने तयारी भएको बताउनुभयो । दुर्घटनामा परेर भरतपुर महानगरपालिका–१७ निवासी शुकराम चौधरीको मृत्यु भएको हो । बिहीबार अपरान्ह करिब ४ः१५ बजे भएको दुर्घटनामा परेर चौधरीको घटनास्थलमै मृत्यु भएपछि केहीबेर सो क्षेत्र तनावग्रस्त भएको थियो…