मुग्लिङ–पोखरा सडक विस्तारमा ढिलाइ, काम सक्न कम्तीमा डेढ वर्ष लाग्ने
लेखनाथ, २८ भदौ। पृथ्वी राजमार्ग अन्तर्गतको पोखरा–मुग्लिङ सडक स्तरोन्नति सक्न अझै कम्तीमा डेढ वर्ष लाग्ने देखिएको छ । पूर्वी र पश्चिमी गरी दुई खण्डमा यो सडक स्तरोन्नति भइरहेको छ । पूर्वी खण्डको म्याद आगामी सोमबारसम्म छ भने पश्चिमी खण्डको म्याद यही भदौमा १०१ दिन थपिएको छ । सडक स्तरोन्नतिमा ढिलाइ हुँदा गण्डकी आर्थिक त्रिभुज परियोजना त प्रभावित बन्ने छ नै, पोखरा आउने यात्रु सकसपूर्ण यात्रा गर्न बाध्य छन् । पर्यटन राजधानी पोखरालाई सङ्घीय राजधानी काठमाडौँ र देशको पूर्वी क्षेत्रसँग जोड्ने यो सडकको काम ढिलो हुँदा सर्वसाधारणले बारम्बार गुनासो गर्दै आएका छन् । केही दिनअघि गण्डकीका मुख्यमन्त्री सुरेन्द्रराज पाण्डेले सरोकारवालासँग छलफल…
