रास्वपा महाधिवेशनस्थलमा डीडीसीको बिक्री कक्ष, दुग्धजन्य उत्पादनमा १० प्रतिशतसम्म छुट

चितवन , असार ७ – राष्ट्रिय स्वतन्त्र पार्टी (रास्वपा) को प्रथम राष्ट्रिय महाधिवेशनस्थलमा दुग्ध विकास संस्थान (डीडीसी) ले आफ्ना दुग्धजन्य उत्पादनहरूको बिक्री कक्ष सञ्चालन गरेको छ। भरतपुरस्थित महाधिवेशनस्थलमा स्थापना गरिएको बिक्री कक्षमा डीडीसीका करिब २० प्रकारका उत्पादनहरू उपलब्ध गराइएको छ। ती उत्पादनमा ५ देखि १० प्रतिशतसम्म छुटको व्यवस्था गरिएको डीडीसीका चितवन समेत हेर्ने बिजनेस डेभलपमेन्ट अफिसर चिरञ्जीवी बस्नेतले जानकारी दिए। उनका अनुसार महाधिवेशनमा सहभागी प्रतिनिधि, नेता–कार्यकर्ता, आगन्तुक तथा सर्वसाधारणलाई लक्षित गर्दै बिक्री केन्द्र सञ्चालन गरिएको हो। बिक्री कक्षमा दूध, दही, घ्यू, मही, पनिर, चिज, आइसक्रिम, दूध पाउडर, खुवा लगायतका विभिन्न दुग्धजन्य सामग्री राखिएको छ। डीडीसीका उत्पादन पछिल्लो समय चर्चामा पनि…

चितवन , असार ७ – राष्ट्रिय स्वतन्त्र पार्टी (रास्वपा)को प्रथम महाधिवेशन आज चितवनको भरतपुरस्थित गेस्टहाउस चौरमा भव्य रूपमा सुरु हुँदैछ। दिउँसो २ बजे उद्घाटन हुने कार्यक्रमभन्दा तीन घण्टा अगाडिदेखि नै स्थलमा देशभरबाट आएका कार्यकर्ता र समर्थकहरूको बाक्लो उपस्थिति देखिएको छ। महाधिवेशनको उद्घाटन पार्टी सभापति रवि लामिछाने र प्रधानमन्त्री तथा वरिष्ठ नेता बालेन शाहले गर्ने छन् ।

चितवन, असार ७- गृहमन्त्री सुधन गुरुङले आज हुन लागेको राष्ट्रिय स्वतन्त्र पार्टी (रास्वपा)को पहिलो महाधिवेशन कार्यक्रम स्थलको निरीक्षण गरेका छन्। आज (आइतबार) भरतपुर महानगरपालिका–१० स्थित गेस्टहाउस चौरमा हुने महाधिवेशन कार्यक्रम स्थलको निरीक्षण गरेका हुन् । गए राती भारी वर्षाको कारण कार्यक्रम स्थल डुबानमा परेको थियो । गृहमन्त्री गुरुङले चितवनका प्रमुख जिल्ला अधिकारी र कार्यक्रम स्थल क्षेत्रमा रहेका विभिन्न आयोजक टिमलाई भेटेर उक्त क्षेत्रमा रहेको पानी तत्काल हटाउन निर्देशन दिए ।

नारायण अधिकारी, चितवन, असार ५- राष्ट्रिय स्वतन्त्र पार्टी (रास्वपा)ले चितवनलाई आफ्नो उद्गम थलोका रूपमा मान्दै आएको छ । पार्टीका केन्द्र र जिल्ला तहका नेताले चितवनलाई उद्गम थलोका रूपमा मान्दै आएका छन् । सो पार्टीका सभापति रवि लामिछाने तीनपटक चितवन जिल्लाबाट भारी मतका साथ निर्वाचित हुँदै आउनुभएको छ । पार्टीका संस्थापक सभापति लामिछानेको चितवन गृहजिल्ला भने होइन । तर निर्वाचनका हिसाबले सभापति लामिछानेमात्र नभई चितवन रास्वपाकै आधार क्षेत्र बनेको छ । प्रवासमा रहेर पनि नेपालमा हुने रास्वपाका हरेक गतिविधिमा प्रत्यक्ष सहभागी हुँदै आउनुभएका चितवन निवासी कृष्ण रेग्मी रास्वपाको उद्गम थलोका रूपमा चितवनलाई नै मान्नुहुन्छ । रेग्मीले घटना विशेषका कारण हिरासतमा बस्दै…

चितवन,असार ५- राष्ट्रिय स्वतन्त्र पार्टी (रास्वपा)को प्रथम राष्ट्रिय महाधिवेशनमा सभापति रवि लामिछाने र प्रधानमन्त्री वालेन्द्र (बालेन) शाहले सम्बोधन गर्ने भएका छन् । महाधिवेशनको पहिलो दिन असार ७ गते आइतबार उद्घाटन समारोहमा सभापति लामिछाने र वरिष्ठ नेता बालेनले सम्बोधन गर्ने भएका हुन् । रास्वपा केन्द्रीय निर्वाचन आयोगका सचिव भूमिनन्द बरालले भरतपुरको गेस्ट हाउस चौरमा हुने उद्घाटन समारोहका लागि अन्तिम तयारी भइरहेको जनकारी दिए । उनका अनुसार, भोलि ६ गते (शनिबार) साँझ रास्वपा केन्द्रीय समितिको बैठक पनि भरतपुरमै बस्नेछ । ८ गते बिहानदेखि बन्दसत्रका कार्यक्रम सुरु गर्ने तयारीमा रास्वपा भए पनि महाधिवेशनको अन्तिम कार्यतालिका आइसकेको छैन ।

नारायणगढ (चितवन), असार ५ – राष्ट्रिय स्वतन्त्र पार्टी (रास्वपा) को पहिलो महाधिवेशनको मिति नजिकिँदै जाँदा चितवनको भरतपुरमा चहलपहल बढेको छ । यही असार ७ देखि ९ गतेसम्म भरतपुरमा आयोजना हुने महाधिवेशनका लागि पार्टीका नेता, कार्यकर्ता, प्रतिनिधि, पर्यवेक्षक तथा शुभेच्छुकहरू चितवन आउन सुरु भएको छ । रास्वपाका केन्द्रीय सचिवालय सदस्य दीपकराज बोहराका अनुसार प्रतिनिधि तथा सहभागीहरू आउने क्रम असार ७ गते बिहानसम्म जारी रहनेछ । चितवनको गर्मीलाई ध्यानमा राख्दै सहभागीहरूलाई आवश्यक तयारी गर्न सर्कुलर जारी गरिएको उहाँको भनाइ छ । महाधिवेशन अवधिमा ट्राफिक व्यवस्थापन चुनौतीपूर्ण हुन सक्ने भएकाले सकेसम्म कम सवारीसाधन प्रयोग गर्न आग्रह गरिएको छ । सामाजिक सञ्जालमार्फत पनि सहभागीहरूलाई…

चितवन, असार ५- राष्ट्रिय स्वतन्त्र पार्टी (रास्वपा) को पहिलो महाधिवेशनको उद्घाटनस्थलमा चर्को घाम र सम्भावित वर्षाबाट जोगिन जर्मन ह्याङ्गर जडान गरिएको छ। भरतपुरको गेस्टहाउस चौरमा करिब ३० हजार स्क्वायर फिट क्षेत्रफलमा अस्थायी संरचना निर्माण गरिएको हो। मिडिया स्पेस सोलुसनका प्रबन्ध निर्देशक श्रीजल भट्टराईका अनुसार बीच भागमा २० फिट चौडाइ र ७५ फिट लम्बाइको मुख्य छानोयुक्त ह्याङ्गर राखिएको छ। दुवैतर्फ २० फिट लम्बाइ र ३० फिट चौडाइका सहायक संरचना जडान गरिएका छन्। यी संरचनाको उचाइ बीचमा २४ फिट र छेउछेउमा १४ फिट रहेको छ। उनले करिब १५ हजार जना अट्ने व्यवस्था गरिएको बताए। ह्याङ्गरभित्र महिला, ज्येष्ठ नागरिक तथा असहायका लागि करिब…

चितवन, असार ५- चितवनका किसानले पालेका ७० हजार पशुचौपायालाई खोरेतविरुद्धको खोप लगाइएको छ । चालु आर्थिक वर्षको हालसम्म घरपालुवा पशुचौपायालाई खोरेतको समस्या आउन नदिन खोप लगाइएको हो । पशु सेवा कार्यालय चितवनका प्रमुख डा प्रभात न्यौपानेका अनुसार जिल्लामा एक लाख गाईभैँसी पालिएका छन् । कतिपय किसानले आफैँले खोरेतविरुद्धको खोप लगाउने गरेका बताउँदै कार्यालयले पालिकामा रहेका पशुसेवा कार्यालयमार्फत पनि खोप लगाएको उहाँले उल्लेख गर्नुभयो । “भाइरसका कारण यो रोग सर्ने गर्दछ । यस रोग लागेका गाईभैँसीमा दुईदेखि तीन दिन १०४ डिग्री ज्वरो आउने, जिब्रोको छाला जाने, गर्भवती भए गर्भ तुहिने, दूध उत्पादन घटाउने, खुट्टामा घाउ हुने, दाना पानी नखानेजस्ता लक्षण देखिन्छ…