सुकुम्बासी समस्या समाधानका लागि फेरि अर्को समिति
काठमाडौं, जेठ १९- सुकुम्बासी सम्बन्धी समस्या समाधान गर्ने उद्देश्यबाट सरकारले २४औँ सुकुम्बासी समिति गठन गरेको छ। यसअघि यस्तै प्रकृतिका सुकुम्बासी आयोग, भूमि आयोग तथा भूमि समितिका नाममा २३ वटा आयोग तथा समिति गठन गरिएका छन्। तर समस्या समाधान हुन सकेको छैन। मंगलबार बसेको मन्त्रिपरिषद्को बैठकले भूमि समस्या समाधान समिति गठन गरेको हो। मन्त्रालयका एक सहसचिवका अनुसार भूमि समस्या समाधान आयोगसरह नै भूमि समस्या समाधान समिति गठन गरिएको हो। “नाम समिति भए पनि आयोगसरह नै अधिकार र भूमिका दिइएको छ,” ती कर्मचारीले भने। सरकारले बलभद्र बास्तोलाको अध्यक्षतामा समिति गठन गरेको हो। बास्तोला उच्च अदालतका पूर्व न्यायाधीश हुन्। साथै अमिर प्रसाद न्यौपाने,…
