इच्छाकामनाका २२ चेपाङ परिवारलाई नयाँ घर

भरतपुर, २६ असारः चेपाङ आवास कार्यक्रमअन्तर्गत चितवनको इच्छाकामना गाउँपालिकामा २२ घर निर्माण भएका छन् । सङ्घीय सरकारको रु एक करोड ५० लाख सशर्त अनुदानबाट विपन्न ती समुदायका आवास निर्माण भएका हुन् । मङ्गलबार गाउँपालिकाको वडा नं ७ मा आयोजित कार्याक्रममार्फत गाउँपालिका अध्यक्ष दानबहादुर गुरुङले सबै वडामा निर्माण भएका घरको साँचो हस्तान्तरण गर्नुभयो । सो अवसरमा उहाँले गाउँपालिकाका सात वडामा आर्थिक अवस्था कमजोर भएका चेपाङ समुदाय छनोट गरेर घर निर्माण गरिएको बताउनुभयो । “पालिकाले चेपाङ समुदायको घर निर्माणको योजना बनाएर सरकारलाई अनुरोध गरेपछि अनुदान प्राप्त भएको हो”, उहाँले भन्नुभयो, “टोल र वडाको छनोटका आधारमा उनीहरुको घर निर्माण गरेका हौँ ।” अध्यक्ष…

रत्ननगर । रत्ननगर नगरपालिकाको मंगलबार सम्पन्न आर्थिक वर्ष २०८०/८१ को तेस्रो चौमासिकको सार्वजनिक सुनुवाइमा नगरवासीले कृषि र शिक्षाको विकासमा चासो व्यक्त गरेका छन् । एक वर्षभित्र भएका कामकारबाहीको समीक्षा गर्दै नगरवासीको सुझाव संकलनको लागि आयोजना गरिएको सार्वजनिक सुनुवाइमा उनीहरुले नगरपालिकाप्रति गुनासो भन्दा कृषि र शिक्षालाई सुधार गर्न सुझाब दिए । कृषि र पशुपालनमा प्रदान गरिने अनुदान, प्रविधिको प्रयोग र शिक्षाको गुणस्तर सुधारमा नगरपालिकालाई सुझाब प्रदान गरेका हुन् । श्रीकृष्णप्रणामी मन्दिर (धर्मधाम) जिरौनाको सभाहलमा आयोजित कार्यक्रममा नगरवासीले गुनासोभन्दा जनप्रतिनिधि र कर्मचारीहरुलाई विकास निर्माण, तटबन्ध, खानेपानी, पर्यटन प्रवद्र्धन र शैक्षिक गुणस्तर वृद्धि गर्ने विषयमा सुझाव दिएको मेयर प्रलाद सापकोटाले जानकारी दिनुभयो ।…

चितवन । चितवनकाे राप्ती नगरपालिकाका मेयर शमशेर लामा माथी आक्रमणकाे प्रयास भएकाे छ । अज्ञात समुहले आइतबार राती उहाँ सवार सरकारी गाडी ताेडफाेड गरेकाे छ । राती सवा ९ बजे नगरपालिकाकाे काम सकेर गड्याैलीबाट घर तर्फ फर्किने क्रममा वडा नं २ स्थित बुद्धशान्ति मावि नजिक मेयर लामाकाे गाडीका डुंगा प्रहार भएकाे प्रहरीले जनाएकाे छ । समुहमा आएका केहि व्यक्तिले मेयर लामाको बा २ झ ३६६६ नम्बरकाे सेतो स्कार्पियोमा आक्रमण गरेका हुन । मेयर लामाको गाडीको पछाडीको सिसा फुटेको छ । मेयर लामालाई भौतिक चोटपटक भने लागेको छैन । नगरपालिकाकाे कामकै सिलसिलामा गड्याैली पुगेर फर्किदै थिए मेयर लामाले भन्नुभयाे एक्कासी गाडीमा…

रत्ननगर । चितवनको नारायणगढ स्थित मानबसेवा आश्रमलाई आर्थिक सहयोग गरिएको छ । मिक्स एण्ड म्याच हङकङले ३ लाख ६० हजार रुपैया सहयोग गरेको हो । मानब सेवा आश्रममा आयोजित एक औपचारिक कार्यक्रममा खैरहनीका समाजसेवी झमकप्रसाद नहर्की, खैरहनी उद्योग बाणिज्य संघका निर्वतमान अध्यक्ष दीपेन श्रेष्ठ, ग्रिन सोसाइटी नेपालका महासचिव शिरलाल परियार, सामाजिक अभियान्त शान्तामणि नहर्कीले मानब सेवा आश्रमकी महासचिव शुशीला केसीलाई सो रकम हस्तान्तरण गरेका थिए । मिक्स एण्ड म्याचका अध्यक्ष दिनानाथ बगाललेले हङकङबाट संस्थागत रुपमा पठाएको रकम सामाजिक अभियान्ता नहर्कीको समन्वयमा आश्रमलाई हस्तान्तरण गरिएको हो । कोही नभएका र केही नभएकाहरुलाई सडकबाट उठाएर आवासीय सुविधा सहित लालनपालन गरिरहेको आश्रमलाई मिक्स…

चितवन २३ असार । नारायणी नदीको बाढीले चितवनको भरतपुर महानगरपालिका–३ स्थित झोलुङ्गे पुल बगाएको छ । न्यूरोड र नगरवन जोड्ने नारायणी नदीमा रहेको झोलुङ्गे पुल बाढीले बगाएको हो । प्रमुख जिल्ला अधिकारी इन्द्रदेव यादवका अनुसार गए राति ११ः३० बजे बाढीले दुवैतर्फको पिल्लर भत्काई पुल बगाएको हो । नारायणीमा पानीको बहाव नघटेकाले नदी तटीय क्षेत्रमा बसोबास गर्नेलाई सावधानी अपनाउन उनले अनुरोध गरेका छन्। शनिबार परेको वर्षासँगै नारायणी नदीमा पानीको सतह बढ्दा एक सय ७१ जनालाई सुरक्षित स्थानमा सारिएको छ । शनिबार राति आएको नारायणीको बाढीका कारण घरमा पानी पसेकाले उनीहरूलाई सुरक्षित स्थानमा स्थानान्तरण गरिएको हो । प्रमुख जिल्ला अधिकारी यादवका अनुसार…