घाम–पानीबाट जोगिन भरतपुरमा जर्मन ह्याङ्गर, १५ हजार अट्ने संरचना

चितवन, असार ५- राष्ट्रिय स्वतन्त्र पार्टी (रास्वपा) को पहिलो महाधिवेशनको उद्घाटनस्थलमा चर्को घाम र सम्भावित वर्षाबाट जोगिन जर्मन ह्याङ्गर जडान गरिएको छ। भरतपुरको गेस्टहाउस चौरमा करिब ३० हजार स्क्वायर फिट क्षेत्रफलमा अस्थायी संरचना निर्माण गरिएको हो। मिडिया स्पेस सोलुसनका प्रबन्ध निर्देशक श्रीजल भट्टराईका अनुसार बीच भागमा २० फिट चौडाइ र ७५ फिट लम्बाइको मुख्य छानोयुक्त ह्याङ्गर राखिएको छ। दुवैतर्फ २० फिट लम्बाइ र ३० फिट चौडाइका सहायक संरचना जडान गरिएका छन्। यी संरचनाको उचाइ बीचमा २४ फिट र छेउछेउमा १४ फिट रहेको छ। उनले करिब १५ हजार जना अट्ने व्यवस्था गरिएको बताए। ह्याङ्गरभित्र महिला, ज्येष्ठ नागरिक तथा असहायका लागि करिब…

चितवन, असार ५- चितवनका किसानले पालेका ७० हजार पशुचौपायालाई खोरेतविरुद्धको खोप लगाइएको छ । चालु आर्थिक वर्षको हालसम्म घरपालुवा पशुचौपायालाई खोरेतको समस्या आउन नदिन खोप लगाइएको हो । पशु सेवा कार्यालय चितवनका प्रमुख डा प्रभात न्यौपानेका अनुसार जिल्लामा एक लाख गाईभैँसी पालिएका छन् । कतिपय किसानले आफैँले खोरेतविरुद्धको खोप लगाउने गरेका बताउँदै कार्यालयले पालिकामा रहेका पशुसेवा कार्यालयमार्फत पनि खोप लगाएको उहाँले उल्लेख गर्नुभयो । “भाइरसका कारण यो रोग सर्ने गर्दछ । यस रोग लागेका गाईभैँसीमा दुईदेखि तीन दिन १०४ डिग्री ज्वरो आउने, जिब्रोको छाला जाने, गर्भवती भए गर्भ तुहिने, दूध उत्पादन घटाउने, खुट्टामा घाउ हुने, दाना पानी नखानेजस्ता लक्षण देखिन्छ…

चितवन, असार ४- चितवनसहित देशभर गर्मी बढेको छ । गर्मीका कारण जनजिवन प्रभावित बन्न थालेको छ । भरतपुर विमानस्थल कार्यालयको रेकर्ड अनुसार आज (बिहीबार) भरतपुरको अधिकतम तापक्रम ३६ डिग्री सेल्सियस मापन भएकाे छ। आज दिउँसो जिल्लाको अधिकतम तापक्रम ३६ डिग्री सेल्सियस मापन भएकाे कार्यालयले नारायणी अनलाइनलाई जानकारी दिएको छ । यस्तै मौसम विभागको तथ्यांकअनुसार यस वर्ष चितवनमा सबैभन्दा बढी तापक्रम वैशाख ९ गते ३९ दशमलव २ डिग्री सेल्सियस पुगेको थियो। अघिल्लो वर्ष भने अधिकतम तापक्रम ३९ दशमलव ८ डिग्री सेल्सियससम्म पुगेको थियो।

चितवन, असार ४- भरतपुर महानगरपालिका–१५ कान्छीचोकमा मोटरसाइकल र कार एकापसमा ठोक्किँदा तीन जना घाइते भएको घटनाबारे सामाजिक सञ्जाल तथा सञ्चारमाध्यममा आएका केही सूचनाप्रति जिल्ला प्रहरी कार्यालय चितवनले ध्यानाकर्षण भएको जनाएको छ । प्रहरीका अनुसार जेठ २८ गते राति करिब १२ः३० बजे सुर्यनगरबाट कान्छीचोकतर्फ आउँदै गरेको मोटरसाइकल र चनौलीबाट गीतानगरतर्फ जाँदै गरेको कार ठोक्किँदा दुर्घटना भएको थियो । घटनापछि घाइते तीन जनालाई उपचारका लागि भरतपुरस्थित अस्पताल पठाइएको प्रहरीले जनाएको छ । दुर्घटनापछि कार चालक फुलमाया देउजालाई इलाका प्रहरी कार्यालय चनौलीको टोलीले नियन्त्रणमा लिएर परीक्षण गर्दा मादक पदार्थ सेवन गरेको नदेखिएको प्रहरीको विज्ञप्तीमा उल्लेख छ । सो कारमा पत्रकार सन्तोष देउजा पनि…

चितवन, असार ४ – सरकारले सातामा दुईदिन बिदा दिने निर्णय गरेसँगै चितवन राष्ट्रिय निकुञ्ज घुम्न आउने आन्तरिक पर्यटकको सङ्ख्या झन्डै दोब्बरले वढेको छ । गत चैत २३ गतेको सरकारको निर्णय पछि निकुञ्ज घुम्न आउने आन्तरिक पर्यटकको सङ्ख्या उल्लेखनीय रुपमा बढेको निकुञ्जका सूचना अधिकारी अविनास थापाले जानकारी दिनुभयो । गत वर्षको आजकै मितिमा ३१ हजार ५७७ जना आन्तरिक पर्यटकले निकुन्ज भ्रमण गरेका थिए भने चालु आर्थिक वर्षको जेठ मसान्तमा ४८ हजार ५९८ जनाले निकुञ्ज भ्रमण गरेका छन् । निकुञ्ज प्रवेशका लागि आठ वटा नाकाबाट पर्यटक आउने गर्छन् । नाकामा ७२ वटा जीपले निकुञ्ज प्रवेशका लागि अनुमति लिएका छन् । यहाँ जीप…

चितवन,असार ४ – भरतपुर महानगरपालिकाले २९ वटा विषयगत सहकारीसंस्था खारेज गरेको छ । प्रायः सबै निष्किृय कृषि, दुग्ध र मौरी पालनसम्बन्धी २९ विषयगत सहकारी संस्था खारेज गरिएको हो । भरतपुर महानगरपालिकाका सहकारी तथा रोजगार प्रवद्र्धन शाखाका प्रमुख रोजी केसीले नियमित रुपमा सहकारी विभागको अनलाइन सफ्टवेयरमा विवरण पेश नगर्ने, लेखा परिक्षण नगर्ने र साधारणसभा नगर्ने सहकारीहरु खारेज गरिएको जानकारी दिनुभयो । महानगरभित्र कूल ३६३ सहकारी संस्था रहेकोमा उक्त सहकारी संस्थाको खारेज पछि अब यहाँ ३३४ सहकारी संस्था रहेका छन् । रासस

चितवन,असार ४- नवलपरासीको गैँडाकोट नगरपालिका–२ स्थित नारायणी नदीमा हाम फालेका एक जना पुरुषको सकुशल उद्धार गरिएको छ । देवचुली नगरपालिका–११ स्थित धारापानी बस्ने ६२ वर्षीय झनकप्रसाद पौडेललाई सशस्त्र प्रहरीको टोलीले सकुशल उद्धार गरेको हो । बिहीबार बिहान उनी नदीमा हाम फालेका थिए । सशस्त्रको नम्बर ३१ गुल्म नवलपरासीबाट खटिएको टोलीले उनको उद्धार गरेर सशस्त्र प्रहरी बलका सहप्रवक्ता (डीएसपी) शैलेन्द्र थापाले बताए । उद्धारपछि उनलाई उपचारको लागि चितवन ल्याइएको छ । उनको अवस्था सामान्य छ । त्यस्तै, सिन्धुपाल्चोकको भोटेकोशी गाउँपालिका–२ लार्चामा नदीमा अड्किएका एक जनालाई पनि सशस्त्रले उद्धार गरेको छ । बिहीबार सोही गाउँपालिका वडा नम्बर–१ लिस्ती बस्ने २३ वर्षीय सञ्जीव…