चितवन निकुञ्जभित्रको सडक रेखांकन संशोधन गर्ने प्रस्ताव स्वीकृत
चितवन,२९ भदौ । हुलाकी राजमार्गको चितवन खण्डअन्तर्गत चितवन राष्ट्रिय निकुञ्जभित्र राजमार्गको हालको रेखांकन संशोधन गर्न मन्त्रीपरिषद्ले सैद्धान्तिक स्वीकृति दिएको छ । भदौ २७ गते बसेको मन्त्रीपरिषद् बैठकले भरतपुर–माडी–ठोरी सडकखण्डमा पर्ने निकुञ्जभित्रको बाटोको रेखांकन संशोधन गर्न सैद्धान्तिक स्वीकृति दिने निर्णय गरेको हो । पूर्व वनमन्त्री एवम् चितवन क्षेत्र नं ३ का सांसद विक्रम पाण्डेको निरन्तर पहलपछि भरतपुर–माडी–ठोरी सडकको रेखांकन संशाधेन प्रस्ताव सरकारले स्वीकृत गरेको पाण्डेको स्वकिय सचिव राजु भण्डारीले बताए । उनका अनुसार यसअघि दुई पटक पेश गरेको प्रस्ताव मन्त्रीपरिषद्ले फिर्ता पठाएको थियो । तेस्रो पटकमा स्वीकृत भएको उनले जानकारी दिए । मन्त्रीपरिषद्ले स्वीकृति दिएसँगै हाल सञ्चालनमा रहेको माडी नगरपालिका–९ बगईदेखि…
