सुनको मूल्य तीन हजार दुई सय रुपैयाँले बढ्यो

काठमाडौँ, भदौ ८ – नेपाली बजारमा सोमबार सुनको मूल्य बढेको छ। आइतबार प्रतितोला सुन तीन लाख १९ हजार ५०० रुपैयाँमा कारोबार भएको सुन सोमबार (आज) तीन हजार २०० रुपैयाँले बढेर प्रतितोला तीन लाख २२ हजार ७०० रुपैयाँ पुगे नेपाल सुनचाँदी व्यवसायी महासंघले जनाएको छ । त्यस्तै, आज चाँदीको मूल्यमा भने केहि गिरावट देखिएको छ। आइतबार प्रतितोला चार हजार ९७५ रुपैयाँमा कारोबार भएको चाँदी आज (सोमबार) १० रुपैयाँले घटेर चार हजार ९६५ रुपैयाँ कायम भएको छ।

काठमाडौँ, भदौ ७- साताको पहिलो दिन नेपाली बजारमा सुनको मूल्य बढेको छ । नेपाल सुनचाँदी व्यवसायी महासंघले दिएको जानकारी अनुसार गत शुक्रबार प्रतितोला तीन लाख १६ हजार ७०० रुपैयाँमा कारोबार भएको छापावाल सुनको मूल्य आज साताको पहिलो दिन २ हजार ८०० रुपैयाँले बढेर ३ लाख १९ हजार ५०० रुपैयाँ पुगेको हो। यसैगरी, चाँदीको मूल्यमा भने सामान्य गिरावट आएको छ। गत शुक्रबार प्रतितोला चार हजार ९८५ रुपैयाँ रहेको चाँदीको मूल्य आज १० रुपैयाँले घटेर चार हजार ९७५ रुपैयाँमा झरेको छ।

काठमाडौं , भदौ ४- बाराको जीतपुर सिमरा उपमहानगरपालिका–१ मा तीन वर्षीया बालिका गरिमा चौधरीको हत्याको विरोधमा काठमाडौंमा माइतीघरमा पनि प्रदर्शन भएको छ । ‘गरिमा चौधरीलाई न्याय दे, ११८ महिला प्रतिनिधिहरू मुर्दावाद, महिला बालबालिका आयोग कहाँ छ ?, बलात्कारीलाई फाँसी दे,’ लगायतका प्लेकार्ड बोकेर माइतीघरमा उनीहरू प्रदर्शनमा उत्रिएका हुन् । बालिका हत्याको विरोधमा जीतपुरसिमरा उपमहानगरपालिका भित्रका नीजि तथा सामुदायिक विद्यालयहरूले बिहीबार शोक सभा गरेर विद्यालय बन्द समेत भएको छ । सिमरामा अहिले पनि प्रदर्शन चलिरहेको छ । प्रहरीले समयमै ध्यान नदिएकाले बालिकाको हत्या भएको भन्दै बुधबारदेखिको आन्दोलनलाई आज पनि जारी राखेका हुन् । आन्दोलित स्थानीयले बिहीबार बिहानैदेखि उपमहानगरपालिका भित्रका ग्रामीण सडकहरूमा…