चितवन राष्ट्रिय निकुञ्जका बाघ संरक्षणमा स्थानीय समुदायको भूमिका महत्वपूर्ण

चितवन, साउन १४ – सरोकारवालाले बाघ संरक्षणमा प्रभावकारी व्यवस्थापन, चोरी–सिकारी नियन्त्रण र स्थानीय समुदायको सक्रिय सहभागिता अपरिहार्य रहेको बताएका छन् । अन्तरराष्ट्रिय बाघ दिवसका अवसरमा बुधबार चितवन राष्ट्रिय निकुञ्जको कार्यालय कसारामा आयोजित छलफल कार्यक्रममा सहभागी वक्ताले बाघ संरक्षण चुनौतीपूर्ण भए पनि सफलता प्राप्त भएको बताए । चितवन राष्ट्रिय निकुञ्जका प्रमुख संरक्षण अधिकृत दिलबहादुर पुर्जा पुनले बाघ संरक्षणका लागि सुरक्षा र स्थानीय समुदायको सहभागिता उत्तिकै महत्वपूर्ण रहेको बताउनुभयो । उहाँले बाघको सङ्ख्या वृद्धि र यसको दीर्घकालीन व्यवस्थापन कुनै एक निकाय वा प्रविधिको प्रयासले मात्र सम्भव नहुने धारणा राख्नुभयो । उहाँले निकुञ्ज व्यवस्थापनमा मध्यवर्ती क्षेत्रका बासिन्दा, स्थानीय व्यवसायी, सुरक्षाकर्मी, विद्यार्थी पत्रकार तथा…

चितवन, साउन १३– ‘बाघको संरक्षण, प्रकृतिको समृद्धि’ भन्ने मूल नाराका साथ विश्व बाघ दिवस २०८३ को अवसरमा चितवनको सौराहामा संरक्षणसम्बन्धी अन्तरक्रिया तथा अन्तर विद्यालयस्तरीय हाजिरीजवाफ प्रतियोगिता सम्पन्न भएको छ। चितवन राष्ट्रिय निकुञ्ज पूर्वी सेक्टर सौराहाको आयोजना तथा कुमरोज मध्यवर्ती सामुदायिक वनको सहकार्यमा कुमरोज सामुदायिक वनको सभाहलमा कार्यक्रम आयोजना गरिएको हो। कार्यक्रममा सहभागीहरूले बाघको जीवनशैली, यसको महत्व तथा संरक्षणका लागि अपनाउनुपर्ने सावधानीका विषयमा अन्तरक्रिया गरेका थिए। कार्यक्रममा खैरहनी–१३ का वडा अध्यक्ष कुलप्रसाद भुसालको प्रमुख आतिथ्यता रहेको थियो भने कुमरोज सामुदायिक वनका अध्यक्ष राजु प्रसाद सिलवालले अध्यक्षता गरेका थिए। कार्यक्रममा खैरहनी–१२ का वडा अध्यक्ष केदारनाथ पन्त, बुढी राप्ती उपभोक्ता समितिका अध्यक्ष कृष्णलाल…