Day: ४ भाद्र २०८३, बिहीबार ११:५१

चितवन , भदौ ४ – भरतपुर–माडी–ठोरी (हुलाकी सडक) अन्तर्गत चितवन राष्ट्रिय निकुञ्ज क्षेत्रमा पर्ने सडकखण्डको ग्राभेल सडक मर्मत थालिएको छ।राप्ती खोला पुलदेखि रिउ खोला पुलसम्मको सडकखण्डमा सवारीसाधनको आवतजावत सहज बनाउन सडक मर्मतको काम भइरहेको सडक डिभिजन कार्यालय भरतपुरले जनाएको छ। सडक विभागको हेटौँडा डिभिजनबाट आवश्यक स्रोत–साधन प्रयोग गरी माडी नगरपालिका र चितवन राष्ट्रिय निकुञ्जसँगको समन्वयमा सडक मर्मत भइरहेको हो। वर्षा तथा नियमित सवारी आवागमनका कारण सडकमा देखिएका समस्या समाधान गर्दै आवतजावतलाई सहज बनाउने उद्देश्यले ग्राभेल सडक मर्मत भइरहेको सडक डिभिजन भरतपुरले जनाएको छ। माडी हुँदै ठोरी तथा भरतपुर आवतजावत गर्ने यात्रु तथा सवारीसाधनलाई सहजता हुने अपेक्षा गरिएको छ।

चितवन,भदौ ४- यहाँ रहेको राष्ट्रिय पन्छी रोग अन्वेषण प्रयोगशालाले एक वर्षमा सात हजार कुखुराको शरीरभित्रको रोग पत्ता लगाउन ‘पोष्टमार्टम’ गरेको छ । चितवनसहित १६ जिल्लाका कुखुरापालक किसानका ती कुखुराको पोष्टमार्टम गरी रोग पहिचान गरिएको हो । प्रयोगशालाका प्रमुख डा विजयकुमार श्रेष्ठका अनुसार पोष्टमार्टम गरिएका कुखुरामा विभिन्न प्रकारका रोग देखिएको थियो । प्रयोगशाालाले पोष्टमार्टमबाहेक रोग पहिचानको काम गरेको छ । एक हजार ५०० कुखुराको नमुना परीक्षणका क्रममा कुखुरामा १० रोग देखिएको उहाँले जानकारी दिनुभयो । परीक्षणका क्रममा २२ प्रतिशत कुखुरामा इकोलाई, १३ प्रतिशतमा गम्बारो, नौ प्रतिशतमा कुखुरामा घ्यारघ्यारको रोग (सिआरडी) देखिएको उहाँले बताउनुभयो । ढुसीजन्य रोगका नौ प्रतिशत, सिसिआरडी चार प्रतिशत,…