चितवन,नवलपुरमा काठमाडौं युनिभर्सिटीले दियो पहिलोपटक सम्बन्धन,गैडाकोटमा एनआइटी कलेजले बिआइटी (साइन्स) पढाउने
चितवन,असार १४- चितवन,नवलपुर क्षेत्रमा अध्यापनका लागि काठमाडौं युनिभर्सिटी (केयु)ले पहिलोपटक सम्बन्धन दिएको छ । गैडाकोटमा रहेको एनआइटी कलेजले ब्याचलर अफ इन्फर्मेसन टेक्नोलोजी बिआइटी (साइन्स) अध्यापनका लागि केयुले सम्बन्धन दिएको हो । गैँडाकोट ५ मा यसै वर्षदेखि सञ्चालनमा आएको यस शैक्षिक संस्था एनआइटी कलेजले शैक्षिक सत्र २०२६ का लागि भर्ना औपचारिक रूपमा खुला भएको जनाएको छ । कलेजले विद्यार्थीलाई गुणस्तरीय शिक्षा, व्यवहारिक सीप, उद्योगको अनुभव र आर्थिक आत्मनिर्भरता दिलाउने उद्देश्यले यस वर्ष ‘पढ्दै कमाउँदै’ अवधारणालाई विशेष प्राथमिकताका साथ सञ्चालन गर्ने जनाएको छ। कलेजका प्रिन्सिपल इन्जिनियर मनोज सापकोटाका अनुसार सूचना प्रविधि क्षेत्रमा बढ्दो रोजगारीको मागलाई ध्यानमा राख्दै बीआईटी कार्यक्रम सञ्चालन गरिएको हो।…
