Day: २७ बैशाख २०८३, आईतवार १८:३०

२७ वैशाख, चितवन । चीन सरकारको सहयोगमा निर्मित बीपी कोइराला स्मृति क्यान्सर अस्पतालको आवास गृहमा नियम विपरीत बसेका कर्मचारीहरुले आवास छाड्न अटेर गरेका छन् । अस्पताल प्रशासनले यही वैशाख १६ गते एक सूचना जारी गर्दै उनीहरुलाई तत्काल आवास छोड्न निर्देशन दिएको थियो । आपत्कालीन सेवामा परिचालन हुने चिकित्सक, परिचारक तथा परिचारिकालाई आवासको व्यवस्था गर्नु अस्पतालको दायित्व एवं प्राथमिकता भएकाले आवास खाली गर्न निर्देशन दिइएको हो । अस्पतालका भण्डार प्रमुख शिला रेग्मीका अनुसार अस्पतालमा सहायकस्तर, अधिकृतस्तर र चिकित्सकहरुका लागि छुट्टाछुटै आवासको व्यवस्था छ । सहायकस्तरका कर्मचारीका लागि १० वटा घर जहाँ ६० परिवार बस्न मिल्छ । अधिकृतस्तरका कर्मचारीका लागि ६ वटा…

भरतपुर । चितवन जिल्लामा एम्बुलेन्स सेवालाई व्यवस्थित, मर्यादित र पारदर्शी बनाउन एम्बुलेन्समा जिपिएस (ग्लोबल पोजिसनिङ सिस्टम) जडान अनिवार्य गरिएको छ । जिल्ला एम्बुलेन्स व्यवस्थापन समितिको आज बसेको बैठकले एम्बुलेन्स सेवाको व्यवस्थापन, पारदर्शिता र प्रभावकारिता सुधार गर्न तथा सेवा सञ्चालनमा देखिएका विकृति नियन्त्रण गर्न अनिवार्य रूपमा जिपिएस जडान गर्नुपर्ने निर्णय गरेको हो । प्रमुख जिल्ला अधिकारी गणेश अर्यालको अध्यक्षतामा बसेको बैठकले जिल्लाभर सञ्चालनमा रहेका सबै एम्बुलेन्सलाई सात दिनभित्र जनस्वास्थ्य कार्यालयमा एकीकृत तथ्याङ्क विवरण अनिवार्य रूपमा दर्ता गर्न निर्देशन दिएको छ । सोअनुसार दर्ता भएका एम्बुलेन्सले १५ दिनभित्र जिपिएस प्रणाली जडान गरी त्यसको जानकारी जनस्वास्थ्य कार्यालयमा बुझाउनुपर्ने निर्णय गरिएको प्रजिअ अर्यालले जानकारी…

सिर्जनशील समाज भरतपुर–४ का अध्यक्ष ईश्वरी कँडेलको सभापतित्वमा भएको कार्यक्रममा कृषि विज्ञ निशा सुवेदीले प्रशिक्षण दिएकी थिइन् । उनले तरकारी, खेतीबाली, फलफूलका बिरुवामा लाग्ने रोगहरु, रोगको रोकथाम र न्यूनीकरणका लागि विषादीको प्रयोग घटाउन सकिने उपाय, विषादीको प्रयोगबाट उत्पन्न हुने समस्या, उपयोगी र अनुपयोगी किराहरुको बारेमा बिस्तृतरूपमा प्रशिक्षण गरेकी थिइन् । कार्यक्रममा बिषादीको प्रयोग न्यूनीकरणका लागि किरा लाग्नै नदिनु, किरा लाग्नासाथ किरा निर्मुल पार्नुपर्ने, घरियसी औषधिहरु, झोल मलको प्रयोग गर्ने, पानीको प्रयोग, तितो, पिरो, टर्रो, अमिलो र विशेष गरी किरालाइ मन नपर्ने बस्तुहरुको प्रयोग गर्नुपर्ने, पानीको प्रयोगलगायत विविध विषयमा जानकारी गराइएको थियो । कार्यक्रममा सिर्जनशील समाजका संस्थापक अध्यक्ष शिवप्रसाद बराल, निवर्तमान…