ठिमुराको भाइरल घरसँगै रहेको रिसोर्ट नयाँ व्यवस्थापनमा, होटल रिभरसाइड रिट्रिटका नाममा सञ्चालनमा आयो
चितवन, भदौ २- भरतपुर महानगरपालिका–१ ठिमुरास्थित साविकको ठिमुरा रिसोर्ट नयाँ व्यवस्थापनका साथ ‘होटल रिभरसाइड रिट्रिट’ का नामबाट सञ्चालनमा आएको छ। भदौ १ गतेदेखि नयाँ व्यवस्थापनमा सञ्चालनमा आएको यस होटललाई भरतपुरस्थित ‘होटल रोयल सेन्चुरी’मा लामो समय काम गरेको टिमले सञ्चालनमा ल्याएको हो। नारायणगढको व्यस्त बजारबाट नजिकै भए पनि सतनचुली सामुदायिक वनको काख र त्रिशूली नदीको किनारमा अवस्थित यो होटल प्राकृतिक एवं शान्त वातावरणले भरिपूर्ण छ। सात बिघा क्षेत्रफलमा फैलिएको यस रिसोर्टले आगन्तुकलाई आकर्षक ‘रिभर भ्यु’को अनुभव गराउने सञ्चालकहरूको भनाइ छ। होटलमा हाल २५ वटा सुविधासम्पन्न कोठा उपलब्ध छन् भने वातावरणीय प्रभाव मूल्याङ्कन गरेर यहाँ ७५ वटासम्म कोठा सञ्चालनको अनुमति लिइएको छ।…
