वन्यजन्तुको आक्रमणबाट गत आवमा चितवनको मध्यवर्ती क्षेत्रमा पाँच जनाको मृत्यु
चितवन, साउन ३- गत आर्थिक वर्ष २०८२/८३ मा चितवन राष्ट्रिय निकुञ्जको मध्यवर्ती क्षेत्रमा वन्यजन्तुको आक्रमणबाट पाँच जनाको ज्यान गएको छ। चितवन राष्ट्रिय निकुञ्जका सूचना अधिकारी तथा संरक्षण अधिकृत अविनास थापा मगरका अनुसार ज्यान गुमाउनेमध्ये जंगली हात्ती र गैंडाको आक्रमणबाट दुई–दुई जना तथा बाघको आक्रमणबाट एक जनाको मृत्यु भएको हो। निकुञ्जको पछिल्ला तीन आर्थिक वर्षको तथ्यांकअनुसार वन्यजन्तुको आक्रमणबाट हुने मानवीय क्षतिमा क्रमिक रूपमा कमी आएको देखिएको छ। आर्थिक वर्ष २०८१/८२ मा मध्यवर्ती क्षेत्रमा वन्यजन्तुको आक्रमणबाट १३ जनाले ज्यान गुमाएका थिए। त्यसमध्ये गैंडाको आक्रमणबाट नौ जना, जंगली हात्तीबाट दुई जना तथा बाघ र गोहीको आक्रमणबाट एक–एक जनाको मृत्यु भएको थियो। त्यसअघि आर्थिक…
