विश्वभित्र नै गगन हुन्छ
नेपाली राजनीतिको रङ्गमञ्च सधैँ उतारचढाव, षड्यन्त्र, र पदको छिनाझपटीले भरिएको हुन्छ। यहाँ सत्ताका लागि गरिने ‘अपवित्र गठबन्धन’ सामान्य मानिन्छन्, तर एउटै पार्टीभित्रका दुई समान हैसियतका नेताबीचको आत्मीयता भने निकै दुर्लभ घटना हो। राजनीतिमा भनिन्छ,”कोही स्थायी शत्रु हुँदैनन्, कोही स्थायी मित्र हुँदैनन्।” तर, नेपाली कांग्रेसका दुई खम्बा— गगन थापा र विश्वप्रकाश शर्माको सम्बन्धले यो पुरानो मानकलाई चुनौती दिँदै एउटा नयाँ मानक स्थापित गरेको छ। उनीहरूको सम्बन्ध केवल राजनीतिक समीकरण मात्र होइन, यो त एउटा सहयात्रा हो, जहाँ ‘म’ भन्दा ‘हामी’ र ‘हामी’ भन्दा ‘देश’ ठूलो हुन्छ। मैले केही समयअघि एउटा टेलिभिजन अन्तर्वार्तामा विश्वप्रकाश शर्मालाई सुनेको थिएँ। उनी निकै शान्त र दृढ…
