नारायणघाट–बुटवल सडकमा ‘क्यानोपी ब्रिज’ निर्माण

मध्यविन्दु (नवलपरासी), असार २१ – नारायणघाट–बुटवल सडक विस्तार आयोजनाको पूर्वी खण्डमा नेपालमै पहिलोपटक बाँदरलगायत रुखमा बस्ने वन्यजन्तुलाई सडक सुरक्षित रूपमा वारपार गराउन ‘ओभरहेड क्यानोपी ब्रिज’ निर्माण गरिएको छ । जैविक विविधता संरक्षणलाई प्राथमिकता दिँदै नारायणघाट–बुटवल सडक आयोजना ९पूर्वी खण्ड० अन्तर्गत नवलपरासी ९बर्दघाट सुस्तापूर्व०को गैँडाकोट जङ्गलस्थित पितौजीमा उक्त संरचना निर्माण गरिएको हो । वन क्षेत्र हुँदै सडक विस्तार भएपछि वन्यजन्तुको प्राकृतिक आवागमनमा असर नपरोस् भन्ने उद्देश्यले जैविक विविधता संरक्षण तथा प्रवर्द्धन कार्यक्रमअन्तर्गत क्यानोपी ब्रिज निर्माण गरिएको आयोजनाका सूचना अधिकारी एवं इन्जिनियर शिव खनालले बताउनुभयो । “नेपालमा सडक आयोजनाअन्तर्गत बाँदरलाई लक्षित गरेर निर्माण गरिएको यो पहिलो क्यानोपी ब्रिज हो”, उहाँले भन्नुभयो, “सडक…

चितवन, असार २१- भरतपुर महानगरपालिका–२३ बेलहट्टामा हात्तीको आक्रमणमा परी आमा छोराको मृत्यु भएको छ । जिल्ला प्रहरी कार्यालयका सूचना अधिकारी चन्द्रभूषण यादवका अनुसार शनिबार राति घरमा सुतिरहेका बेला हात्तीको आक्रमणमा परी २५ वर्षीया आशिका बोटे र उनकाे चार वर्षीय छोरा भरतको घटनास्थलमा नै मृत्यु भएको हो । हात्ती धपाउन आशिकाका श्रीमान् पूर्णले आगो बाल्दा उनको कच्ची घरमा आगलागी भएको थियो । आगो प्रहरी र स्थानीयको सहयोगमा निभाइएको थियो ।

चितवन,असार २१- बिहानको ठीक साढे ४ बजे सहर अझै मस्त निद्रामै हुन्छ। तर, गैँडाकोटको फेदीमा रहेका १८८२ वटा ढुङ्गे खुड्किलाहरूमा भने पदयात्रीहरूको पदचाप गुञ्जिन सुरु भइसकेको हुन्छ। कुनै समय केवल धार्मिक अनुष्ठान र पूजाआजामा सीमित मौलाकालिकाको यो उकालो, विशेषतः सार्वजनिक बिदाका दिन निकै गुल्जार बन्छ। सहरको कोलाहल र व्यस्त दिनचर्याबाट मानसिक स्फूर्ति चाहनेहरूका लागि यो पहाडी थुम्को ‘सर्ट हाइकिङ’ को रूपमा विकसित भइरहेको छ। सहरको आधुनिक जीवनशैलीका कारण निम्तने शारीरिक शिथिलता र मानसिक तनाव व्यवस्थापनका लागि धेरैले मौलाकालिकाको यो उकालो चढ्न रुचाउँछन्। भरतपुर र गैँडाकोटको मुख्य सहरदेखि नजिकै रहेको मौलाकालिका आफैँमा धेरैका लागि ‘शनिबारे हाइकिङ स्पट’ बनिरहेको छ। यस्तै उद्देश्यका…

भरतपुर,असार १८- सेन्ट्रल ग्रुपले गैँडाकोट टेक्निकल एकेडेमीलाई आफ्नो समूहमा आबद्ध गर्दै प्राविधिक तथा सीपमूलक शिक्षाको क्षेत्रमा सेवा विस्तार गरेको छ। ग्रुपले आज पत्रकार सम्मेलनको आयोजना गर्दै अब एकेडेमीमार्फत छोटो अवधिका सीपमूलक तालिम सञ्चालन गरिने जनाएको हो। ग्रुपका अध्यक्ष यज्ञ विलास पौडेल (वाईबी) का अनुसार युवालाई दक्ष, आत्मनिर्भर तथा प्रतिस्पर्धी जनशक्ति बनाउने उद्देश्यका साथ कम्प्युटर, मोबाइल मर्मत, इलेक्ट्रिकल, इलेक्ट्रोनिक्स, प्लम्बिङ, एसी टेक्निसियन, कुक, वेटर, हाउसकिपिङ, बारिस्टा, फेसन डिजाइनिङ, बुटिक तथा केयरगिभरलगायतका तालिम सञ्चालन गरिनेछ। छोटो अवधिमै हजारौं युवालाई तालिममा सहभागी गराउने लक्ष्य ग्रुपले लिएको पौडेलले बताउनुभयो । सेन्ट्रल ग्रुपअन्तर्गत हाल त्रिभुवन विश्वविद्यालयबाट सम्बन्धन प्राप्त सेन्ट्रल मोडल कलेजमार्फत बीएचएम र बीआईटीएम कार्यक्रम…

चितवन,असार १८- चितवनको इच्छाकामना गाउँपालिकाका प्रमुख प्रशासकीय अधिकृतमाथि कार्यकक्षमै प्रवेश गरी कुटपिट गरिएको छ। घटनापछि घाइते भएका चन्द्र कान्त बस्नेत इच्छाकामना आधारभूत अस्पतालमा भर्ना भई उपचार गराइरहेका छन्। प्रमुख प्रशासकीय अधिकृत बस्नेतका अनुसार बिहीबार बिहान करिब ११ बजे केही व्यक्तिहरू कार्यकक्षमा प्रवेश गरी ढोका बन्द गरेर आफूलाई सामूहिक रूपमा हातपात गरेका हुन्। घटनामा संलग्नमध्ये एक जना निर्माण व्यवसायी रहेको र अन्य व्यक्तिलाई आफूले नचिनेको उनले बताएका छन्। उनका अनुसार आक्रमणकारीहरूले खोलाबाट ढुंगागिट्टी उत्खननसम्बन्धी मुद्दामा गाउँपालिकाले अदालतबाट जितेको विषयलाई लिएर आक्रमण गरेका हुन्। “हिजो अदालतमा मुद्दाको सुनुवाइ थियो। उनीहरूले हारे, गाउँपालिकाले जित्यो। त्यसको रिसमा ‘हामीलाई मुद्दा किन हराइस्’ भन्दै ममाथि कुटपिट…

भरतपुर,असार १८- चितवनको इच्छाकामना गाउँपालिकाका प्रमुख प्रशासकीय अधिकृत चन्द्रकान्त बस्नेतमाथि कार्यकक्षमै कुटपिट भएको छ । छ जनाको समुहमा आएकाहरुले अधिकृत बस्नेतमाथि कुटपिट गरेको घटना पश्चात पालिकामा पुग्नुभएका पत्रकार चित्र तमूले जानकारी दिनुभयो । ढुंगा गिट्टी उत्थखननको बिषयलाई लिएर बस्नेतमाथि आक्रमण भएको बुझिएको छ । घटनाका सम्बन्धमा अनुसन्धान भइरहेको जिल्ला प्रहरी कार्यालय चितवनले जनाएको छ । थप विवरण आउन बाँकी छ ।

चितवन, असार १८– चितवनको भरतपुर स्थित वीपी कोइराला मेमोरियल क्यान्सर अस्पतालको अध्यक्षमा वरिष्ठ चिकित्सक प्रा.डा.योगेन्द्रप्रसाद सिंह नियुक्त भएका छन् । स्वास्थ्य मन्त्रालयले बुधबार सिंहलाई अध्यक्षमा नियुक्त गरेको हो । यसअघिका अध्यक्ष डा.विजय न्यौपानेको कार्यकाल चैतदेखि समाप्त भएपछि अस्पतालमा अध्यक्ष पद रिक्त रहेको थियो । स्वास्थ्य मन्त्रालयले खुल्ला प्रतिष्पर्धामा अध्यक्षका लागि आवेदन माग गरेको थियो । सोही आधारमा सिफारिस गरिएका अन्तिम तीन जना आवेदक मध्ये सिंहलाई अध्यक्षमा नियुक्त गरिएको हो । अस्पतालका निमित्त कार्यकारी निर्देशक डा.उमेश नेपालले अध्यक्षमा नियुक्त डा.सिंह केहीदिनमै पदबहाली गर्ने तयारी भइरहेको बताए । अध्यक्ष पदका लागि प्राप्त आवेदनमध्येबाट प्रा.डा सिंहसहित डा.अजयकुमार झा र डा. विजय चन्द्र आचार्यको…

चितवन, असार १८- चितवनको भरतपुर महानगरपालिका–१५ रामपुरमा निर्माणाधीन गौतमबुद्ध अन्तर्राष्ट्रिय क्रिकेट रङ्गशालाको निर्माण कार्य तोकिएको समयभित्र सम्पन्न नहुने देखिएको छ। ठेक्का सम्झौताको म्याद सकिन करिब छ महिना बाँकी रहँदा परियोजनाको करिब ४८ देखि ५० प्रतिशत मात्र निर्माण सम्पन्न भएको छ। भरतपुर महानगरपालिकाले २०८१ असारमा ३० महिनाभित्र निर्माण सम्पन्न गर्ने गरी हिमालयन कालिञ्चोक–बीबीआर जेभीसँग ७५ करोड ५० लाख ९१ हजार १८९ रुपैयाँमा ठेक्का सम्झौता गरेको थियो। सम्झौताअनुसार रङ्गशाला २०८३ पुस २२ गतेभित्र निर्माण सम्पन्न हुनुपर्नेछ। हालसम्म एकवटा दर्शक टावरको निर्माण सम्पन्न भएको छ भने अर्को टावरको दोस्रो तलाको ढलान सकिएको छ। चारमध्ये एकवटा प्यारापिट निर्माण सम्पन्न भएको, दुईवटाको ढलान सकिएको तथा…