तोकिएको समयमै सम्पन्न नहुने अवस्थामा गौतमबुद्ध अन्तर्राष्ट्रिय क्रिकेट रङ्गशाला

चितवन, असार १८- चितवनको भरतपुर महानगरपालिका–१५ रामपुरमा निर्माणाधीन गौतमबुद्ध अन्तर्राष्ट्रिय क्रिकेट रङ्गशालाको निर्माण कार्य तोकिएको समयभित्र सम्पन्न नहुने देखिएको छ। ठेक्का सम्झौताको म्याद सकिन करिब छ महिना बाँकी रहँदा परियोजनाको करिब ४८ देखि ५० प्रतिशत मात्र निर्माण सम्पन्न भएको छ। भरतपुर महानगरपालिकाले २०८१ असारमा ३० महिनाभित्र निर्माण सम्पन्न गर्ने गरी हिमालयन कालिञ्चोक–बीबीआर जेभीसँग ७५ करोड ५० लाख ९१ हजार १८९ रुपैयाँमा ठेक्का सम्झौता गरेको थियो। सम्झौताअनुसार रङ्गशाला २०८३ पुस २२ गतेभित्र निर्माण सम्पन्न हुनुपर्नेछ। हालसम्म एकवटा दर्शक टावरको निर्माण सम्पन्न भएको छ भने अर्को टावरको दोस्रो तलाको ढलान सकिएको छ। चारमध्ये एकवटा प्यारापिट निर्माण सम्पन्न भएको, दुईवटाको ढलान सकिएको तथा…

नारायणगढ (चितवन), असार १८ – स्वदेशमा सम्भावना नदेखेर रोजगारीको खोजीमा युवा पुस्ता विदेश पलायन भइरहेका बेला चितवनका एक अनुभवी किसानले भने माटोमै पसिना बगाएर आर्थिक समृद्धिको एउटा अब्बल उदाहरण प्रस्तुत गर्नुभएको छ । खैरहनी नगरपालिका–१०, समानपुरका किसान नवीनकुमार श्रेष्ठले शिक्षा संकायमा स्नातक (बीएड) उत्तीर्ण गरेपछि सुरु गरेको शिक्षण पेसा त्यागेर व्यावसायिक रूपमा गरेको पिरो खुर्सानीखेतीबाट अहिले वार्षिक लाखौँ रुपैयाँ आम्दानी मात्र गरिरहनुभएको छैन, गाउँका धेरै युवा तथा स्थानीयलाई रोजगारीसमेत दिनुभएको छ । दुई दशकभन्दा लामो समयदेखि पुख्र्यौली पेसालाई आधुनिक र व्यवसायीकरण गरेर आर्थिक रूपमा आत्मनिर्भर बन्नुभएका श्रेष्ठ यतिबेला जिल्लाकै एक सफल र आदर्श कृषकका रूपमा स्थापित हुनुहुन्छ । केही समय…

रत्ननगर, असार १७ – पूर्वी चितवनको रत्ननगर खानेपानी तथा सरसफाई उपभोक्ता संस्थाले वातावरणीय सुधार र हरियाली प्रवर्द्धन गर्ने उद्देश्यका साथ आफ्ना उपभोक्ताहरूलाई निःशुल्क बिरुवा वितरण सुरु गरेको छ। संस्थाका अनुसार एक उपभोक्ता लाई २ बिरुवाको नीति अनुरूप उपभोक्ताहरूलाई बिरुवा वितरण गर्न लागिएको हो। संस्थाका उपाध्यक्ष रामहरी अधिकारीले प्रत्येक घरधुरीलाई दुईवटा बिरुवा उपलब्ध गराइने जानकारी दिए। कुल १६ हजार ५०० उपभोक्ता आबद्ध रहेको यस संस्थाले पहिलो चरणमा १० हजार बिरुवा वितरण गर्ने तयारी गरेको सचिव प्रताप डल्लाकोटीले बताए। उपभोक्ताहरूको माग र आवश्यकताका आधारमा फलफूल तथा विभिन्न प्रजातिका फूलका बिरुवाहरू वितरण गर्न लागिएको कोषाध्यक्ष विरञ्जना घिमिरे सापकोटाले जानकारी दिइन्।

चितवन, असार १७ – मुग्लिन–नारायणगढ सडक खण्डअन्तर्गत तुईन खोलामा सुख्खा पहिरो खस्दा केही समय अवरुद्ध भएको सडक पुनः सञ्चालनमा आएको छ। सडक डिभिजन भरतपुरका अनुसार बुधबार बिहान ११ः१५ बजेसम्म पहिरो पन्छाएर सडकमा सवारीसाधनको आवागमन सुचारु गरिएको हो। सडक डिभिजनले सवारी चालकलाई आफ्नो लेन अनुशासन पालना गर्दै सावधानीपूर्वक यात्रा गर्न आग्रह गरेको छ। पहिरो हटाएर सडक सञ्चालनमा ल्याइए पनि उक्त क्षेत्रमा थप पहिरो खस्ने सम्भावना रहेकाले आवश्यक सतर्कता अपनाउन पनि अनुरोध गरिएको छ।

सौराहा, असार १७ – चितवन राष्ट्रिय निकुञ्जले वर्षायाम सुरु भएसँगै निकुञ्जभित्र सञ्चालन हुँदै आएको जिप सफारी सेवा आजदेखि असोजको पहिलो सातासम्मका लागि स्थगित गर्ने निर्णय गरेको छ। चितवन राष्ट्रिय निकुञ्ज कार्यालय, कसराबाट जारी जानकारीअनुसार वर्षायाम वन्यजन्तु तथा चराचुरुङ्गीहरूको प्रजननका लागि संवेदनशील समय भएकाले उनीहरूको प्राकृतिक बासस्थानमा अनावश्यक असर नपरोस् भन्ने उद्देश्यले जिप सफारी रोकिएको हो। निकुञ्जका सूचना अधिकारी अविनास थापामगरका अनुसार बर्खायाममा निकुञ्जभित्रका कच्ची सडकहरू बिग्रने, साना खोला–खोल्सामा बाढी आउने तथा रुख ढलेर बाटो अवरुद्ध हुने जोखिम बढ्ने भएकाले पर्यटकको सुरक्षालाई समेत ध्यानमा राखेर सफारी सेवा बन्द गर्न लागिएको हो। यद्यपि, निकुञ्जभित्रको सेवा बन्द भए पनि मध्यवर्ती क्षेत्र र सामुदायिक…