चितवनमा त्रिशूली–नारायणीमा बगेका शवको खोजी, पहिचान र व्यवस्थापनको तयारी
नारायणगढ (चितवन), भदौ ११- त्रिशूली तथा नारायणी नदीमा बगेर आएका शवको खोजी, पहिचान तथा व्यवस्थापनका लागि चितवनमा आवश्यक तयारी गरिएको छ । जिल्ला प्रशासन कार्यालय चितवनमा बसेको आकस्मिक बैठकले शव सुरक्षित राख्ने, खोजतलास गर्ने, पहिचान गर्ने तथा सम्बन्धित परिवारलाई बुझाउनेलगायत विषयमा विभिन्न निर्णय गरेको छ। चितवनका प्रमुख जिल्ला अधिकारी गणेश अर्यालले भरतपुर महानगरपालिका–१० स्थित चितवन उद्योग परिसरमा रहेको औद्योगिक व्यवसाय विकास प्रतिष्ठानको पुरानो भवनलाई शव संरक्षण स्थलका रूपमा प्रयोग गरिने जानकारी दिनुभयो । अर्यालले भन्नुभयो, “यहाँका अस्पतालमा पनि शव आउने र अस्पतालमा पर्याप्त स्थान नभएकोले व्यवस्थापनका लागि यो स्थान तय गरिएको हो ” उहाँले भोटेकोशी नदीबाट बगेर आएका शव चितवनमा…
