खोजी गर्दा पनि नभेटिएकी निरौलाको शव भेटिए पछि परिवारले पहिचान गरेको प्रहरीले जनाएको छ । निरौलाको शव मङ्गलवार दिउँसो धरान–धनकुटा सडक छेउमा भेटिएको हो । घटनाबारे प्रहरीले थप अनुसन्धान अघि बढाएको जनाएको छ । इलाका प्रहरी कार्यालय धरानका डीएसपी भीषणबाबु राईका अनुसार शव फेला परेको स्थान सर्दु जलाधार क्षेत्र धरान बजारबाट करिब १३ किलोमिटर उत्तर–पूर्वको दुर्गम भूभागमा रहेको छ । उनले भौगोलिक अवस्था, शवको स्थिति र फेला परेका सामानबीचको तालमेलले घटना शङ्कास्पद देखिएको बताएका छन् । उनले विस्तृत अनुसन्धान जारी रहेको बताए ।
म्याग्दीको बेनी नगरपालिका–९ गलेश्वरमा अवस्थित गलेश्वर शिवालय मन्दिरमा बाला चतुर्दशी पर्वको अवसरमा शतबीज छर्न आएका भक्तजनहरुको घुइँचो लागेको छ । गए रातिदेखि नै शिवालय मन्दिरमा महाबत्ती र अखण्डबत्ती बालेर भजनकृतन गाएर जाग्राम बसेका भक्तजनहरुले बिहान कालीगण्डकी नदीमा स्नान गरेर शतबीज छर्न थालेको गलेश्वर शिवालय क्षेत्र विकास कोषका अध्यक्ष माधवप्रसाद रेग्मीले जानकारी दिनुभयो । उहाँका अनुसार, बिहानैदेखि भक्तजनहरुको आगमन बढ्दै गएको छ । बाला चतुर्दशी पर्वको अवसरमा गलेश्वरधाममा परम्परागत रुपमा शतबीज छर्ने मेला लाग्दै आएको छ । गलेश्वर शिवालय क्षेत्र विकास कोषले मूल समिति र विभिन्न उपसमितिमार्फत सहज रुपमा भक्तजनलाई कालीगण्डकी नदीमा स्नान गरी शतबीज छर्ने र मन्दिरमा दर्शन तथा पूजाआजा…
