दसैँको मुखमा खसीबोकाको मूल्य प्रतिकिलो सय रुपैयाँले घट्यो
चितवन, २३ असोज । भरतपुर महानगरपालिका–२९ की विमला तामाङको मुख्य पेसा बाख्रा पालन हो। खसीबोका बिक्रीबाट नै तामाङको दसैँ खर्च चल्छ। दसैँलाई मध्यनजर गर्दै तामाङले १९ वटा खसी तयारी अवस्थामा राखेकी छिन्। अहिले यिनै खसी बिक्री गर्न उनलाई समस्या परिरहेको छ। ‘दसैँमा राम्रो मूल्य पार्ने लक्ष्यका साथ व्यापारी आउँदा समेत नदिएर राखेँ,’ उनले भनिन् ‘अहिले व्यापारीहरू निकै कम आएका छन्। पहिलेजस्तो खसी बोकाको व्यापार छैन।’ विगतका वर्षहरूमा भन्दा खसीको मूल्य निकै घटेको उनले बताइन्। ‘अघिल्लो वर्ष प्रतिकिलो ६ सय रुपैयाँमा ज्यूँदो खसी बिक्री भएको थियो’, उनले भनिन् ‘अहिले प्रतिकिलो ४ सय ८० मा पनि बिक्री गर्न कठिन छ।’ दसैँको मुखमा…