Day: १५ आश्विन २०८२, बुधबार २१:१६

नेपाली क्रिकेट टोलीका लेगस्पीनर सन्दीप लामिछाने वेस्ट इन्डिजसँगको शृंखलाअन्तर्गत अन्तिम २ खेलका लागि निलम्बनमा परेको खुलेको छ । नेपाल क्रिकेट संघ (क्यान)ले बुधबार साँझ एक विज्ञप्ति जारी गरेर सन्दीपलाई निलम्बन गरिएको जनाएको छ । सेप्टेम्बर २७ मा पहिलो खेल सुरु हुनुभन्दा करिब ४५ मिनेट अघि सन्दीपले आफैं नखेल्ने निर्णय गरेको र उनको उक्त निर्णयले टीम म्यानेजमेन्ट, खेलाडी एवंम समग्र नेपाली क्रिकेटमै गम्भिर असर पर्न गएको क्यानका सचिव पारस खड्काले जारी गरेको विज्ञप्तिमा भनिएको छ । त्यसपछि व्यवस्थापनको सिफारिसमा बाँकी खेल तथा सम्पूर्ण सिरिजका लागि उनलाई निलम्बन गरिएको क्यानले जनाएको छ। सन्दीपले के कारणले नखेल्ने निर्णय गरे भन्नेबारे अझै केही खुलेको…

जेन्जी आन्दोलनमा भग्नावशेषमा परिणत भएका यहाँस्थित इलाका प्रहरी कार्यालय र ट्राफिक प्रहरी कार्यालयका भवन रु ९० लाखको लागतमा पुनर्निर्माण भएका छन् । दुवै भवनको आज यहाँ आयोजित एक कार्यक्रममा उद्घाटन गरिएको छ । त्यस अवसरमा इलाका प्रहरी कार्यालयका प्रमुख प्रहरी नायब उपरीक्षक विजय श्रेष्ठ र ट्राफिक प्रहरी कार्यालयका प्रमुख प्रहरी निरीक्षक गणेश पौडेलसहितको टोलीलाई नगरवासीले फूलमालासहित टोलीलाई अभिनन्दन गरेका थिए । त्यसअघि प्रहरीहरूका साथ नगरप्रमुख पवित्रा महतरा, उद्योग वाणिज्य सङ्घका अध्यक्ष राजु न्यौपाने, महासङ्घ कोशी प्रदेश सदस्य प्रकाश शिवाकोटीलगायत नगरवासीको टोलीले नगर परिक्रमा गरेको थियो । रासस

राष्ट्रपति रामचन्द्र पौडेलले आश्विन शुक्ल नवमीका अवसरमा राष्ट्रपति भवनमा आज नौ जना कन्याको पूजा गर्नुभएको छ । राष्ट्रपतिको सचिवालयका अनुसार नक्सालस्थित बाल मन्दिरमा आश्रय लिएका कन्याको उहाँले पूजा गर्नुभएको हो । प्रत्येक वर्ष महानवमीका दिन राष्ट्रप्रमुखले नौ जना कन्याको पूजा गर्ने प्रचलन छ । त्यस अवसरमा प्रथम महिला सविता पौडेलले पनि नवदुर्गाका प्रतीक नौ जना कन्याको पूजार्चना गर्नुभएको थियो । रासस

पौवादुङमा गाउँपालिकाले सञ्चालन गरेको‘नवजात शिशु भविष्य सुरक्षा कार्यक्रम’ प्रभावकारी बन्दै गएको छ । गाउँपालिकाले यहाँ जन्मिएका शिशुहरूको उज्ज्वल भविष्य सुनिश्चित गर्न पाँच वर्षसम्म नियमित रु ५०० वितरण गर्दै आएको छ । गाउँपालिकाका प्रमुख प्रशासकीय अधिकृत नवीन भट्टराईका अनुसार प्रत्येक बालबालिकाका लागि बैंकिङ प्रणालीमार्फत रकम जम्मा गरिने व्यवस्था मिलाइएको छ । बालबालिकाको भविष्य सुनिश्चितताको लागि गाउँपालिकाले आव २०८०/८१ को वार्षिक नीति तथा कार्यक्रममार्फत यो कार्यक्रम सञ्चालनमा ल्याएको हो । बालबालिकाको उज्ज्वल भविष्यसँगै सक्षम भावी पुस्ता निर्माण गर्ने उद्देश्यका साथ सञ्चालन भइरहेको कार्यक्रम प्रभावकारी बनेको गाउँपालिका अध्यक्ष किरण राईले बताउनुभयो । यससँगै गाउँपालिकाले स्वास्थ्य क्षेत्रमा पनि विभिन्न कार्यक्रमलाई निरन्तरता दिएको छ ।…