सिमलताल दुर्घटनाः कार्यदलले लियो सरोकारवालाको सुझाव

चितवन । सिमलताल बस दुर्घटनाको अध्ययन गर्न बनेको कार्यदलले चितवन आएर घटनास्थलको निरीक्षण गर्नुको साथै सरोकारवालाहरुको सुझाव लिएको छ । सिमलतालको पहिरो र दुर्घटना भएको स्थानको स्थलगत निरीक्षण पश्चात जिल्ला प्रशासन कार्यालय चितवनको सभाहलमा अन्तरक्रिया गरिएको थियो । गृहमन्त्री रमेश लेखकले सिमलताल दुर्घटनाको अध्ययन गर्न गृह मन्त्रालयका सहसचिव छवि रिजालको नेतृत्वमा छ सदस्यिय कार्यदल गठन गरेका थिए । कार्यदलले घटना हुनुको कारण र आगामी दिनमा त्यस्ता घटना हुन नदिन अपनाउनुपर्ने उपायसम्बन्धमा सुझाव संकलन गर्नुका साथै बसमा सवार यात्रुका परिवारलाई राहत उपलब्ध गराउने सन्दर्भमा पनि अध्ययन गर्नेछ । गत असार २८ गते सिमलतालमा खसेको लेदोसहितको पहिरोले दुई वटा बसलाई सोहोरेर त्रिशूली…

चितवन । चितवनमा रेलमार्गको सर्भे गर्न आएका टोलीको गाडीमा स्‍थानीयले आगजनी गरेका छन्। बुधबार दिउँसो भरतपुर महानगरपालिका वडा नम्बर ७ कृष्णपुर पुगेको आरएच कन्सल्टेन्सीको गाडीलाई स्‍थानीयले नियन्त्रणमा लिएका थिए। नियन्त्रणमा लिएर उनीहरूले गाडीमा आगजनी गरेको प्रहरीले जनाएको छ। गाडीमा लागेको आगो निभाउन दमकल बोलाइएको थियो। आगलागीबाटमा पूर्ण रुपमा क्षति भएकाे छ । आगो नियन्त्रणमा आइसकेको छ। पूर्वपश्चिम रेल मार्ग निर्माण गर्नका लागि हेटौंडाबाट बर्दघाटसम्म कन्सल्टेन्सीले अध्ययन गरिरहेको थियो। वडा नम्बर ८ मा मंगलबार नै सर्भे गरिएको थियो। त्यहाँ सकेर वडा नम्बर ७ कृष्णपुरमा बुधबार बिहान पुग्दा स्थानीयले उनीहरूलाई नियन्त्रणमा लिएको हो। नियन्त्रणमा लिएर दिउँसो उनीहरू चढेको गाडीलाई जलाएको हो।

राप्ती । पुर्वी चितवनको विरेन्द्रनगरमा रहेको विरेन्द्र आदर्श माध्यमिक विद्यालयले अन्तर्राष्ट्रिय गुणस्तर प्रमाणीकरण चिन्ह प्राप्त गरेको छ । राप्ती नगरपालिका वडा नम्बर ७ मा रहेको विद्यालयलाई एक कार्यक्रमको बिच अन्तर्राष्ट्रिय गुणस्तर चिन्ह हस्तान्तरण गरिएको हो । राप्ती नगरपालिकाका नगर प्रमुख शमशेर लामा , शिक्षा विकास इकाई चितवनका प्रमुख भुमिलाल सुवेदी ,राप्ती ७ कि वडा अध्यक्ष सुमिता डल्लाकोटी, प्रमुख प्रशासकीय अधिकृत शैलेन्द्र भण्डारी लगायतको उपस्थितिमा अन्तर्राष्ट्रिय गुणस्तर चिन्ह विद्यालयलाई हस्तान्तरण गरिएको हो । युनाइटेड एकृडिटेसन फाउन्डेसनको अन्तर्गत ग्लोबल क्वालिटी काउन्सिलका अन्तर्राष्ट्रिय गुणस्तर चिन्ह प्रतिनिधि नारायण प्रसाद दवाडीले विद्यालयलाई गुणस्तर चिन्ह हस्तान्तरण गरेका हुन् । सोही क्रममा बोल्दै दवाडीले विद्यालयले पहिलो चरणको…

चितवन । भरतपुर महानगरपालिका वडा नं ७ मा पूर्वपश्चिम रेलमार्गको सर्भे गर्न आएको टोलीलाई स्थानीयले केहीबेर नियन्त्रणमा लिएका छन् । भरतपुर ७ का वडाध्यक्ष राजेन्द्रमणि काफ्लेले स्थानीयको अवरोधपछि भरतपुर ७ को रेलमार्गको सर्भे रोकिएको छ । विशालचोक नजिकका बासिन्दाले सर्भे गर्न रोक लगाएकाे वडाध्यक्ष काफ्ले बताउनुभयाे। उहाँले भन्नुभयाे, ‘आक्रोशित स्थानीयले सर्भे गर्न आएका दुई जना कर्मचारीलाई नियन्त्रणमा लिएर प्रहरीलाई बुझाएका हुन् ।’ उहाँका अनुसार भरतपुरमा रेलमार्गको सर्भे गर्ने काम पूर्णरुपमा रोकिएको छ । सरकारबाट अनुमति लिएर आएको दाबी गर्ने आरएच कन्सल्टेन्सीको टोलीलाई स्थानीय बासिन्दाले गाडी र उपकरणसहित नियन्त्रणमा लिएका थिए । गाडीबाट रेलमार्गको सर्भे गर्दागर्दै करिब दुई सय जना स्थानीय…

चितवन । चितवनमा एक वर्षको अवधिमा सवारी दुर्घटनामा परी एक सय १५ जनाको मृत्यु भएको छ । २०८० साउनदेखि २०८१ असारसम्म उक्त मानवीय क्षति भएको हो । जिल्लाका भित्री सडकमा भन्दा राजमार्गमा भएका दुर्घटनामा परी बढी मानवीय क्षति भएको हो । दुर्घटनामा परी मृत्यु हुनेमा ९२ पुरुष, १९ महिला र चार बालक रहेका छन् । सो अवधिमा चार सय ४५ सवारीसाधन दुर्घटनामा परेका थिए । ती दुर्घटनामा परी आठ सय ३२ जना घाइते भएका जिल्ला ट्राफिक प्रहरी कार्यालयका प्रमुख सुरेश सुवेदीले जानकारी दिए । जिल्लाका भित्री सडकमा एक वर्षमा दुई सय ५० सवारीसाधन दुर्घटना भएका थिए । भित्री क्षेत्रका सडकमा…

रत्ननगर । रत्ननगर नगरपालिका वडा नं ८ चित्रसारी स्थित चित्रसेन बाबा मन्दिरमा सन्ध्याकालिन आरती र शिवपुराण महायज्ञ सुरु भएकाे छ । चित्रसेन बाबा मन्दिर आरती व्यवस्थापन समिति र चित्रसेन बाबा मन्दिर व्यवस्थापन समितिले सयुक्त रुपमा आयाेजना गरेकाे सन्ध्याकालिन आरती तथा महायज्ञकाे रत्ननगरका उपमेयर यादब प्रसाद पाठकले उद्घाटन गरेका थिए । धर्मसंस्कृति मार्फत साैराहाकाे पर्यटन विकास गर्ने उद्देश्यले आयाेजना गरिएकाे साे कार्यक्रमकाे लागि बागमती प्रदेश सरकार र रत्ननगर नगरपालिकाकाे विशेष सहयाेग रहेकाे छ । क्षेत्रीय हाेटल संघ चितवन साैराहा, रेवान साैराहा, युनाइटेड हात्ती सञ्चालन सहकारी संस्था, साना पर्यटन व्यवसायी समूह, वर्ड एजुकेशन साेसाइटी र नेचर गाईड एशाेसियसनकाे समेत सहयाेग रहेकाे छ…

काठमाडौँ । हालसम्म देशभर ६७.३ प्रतिशत रोपाइँ सकिएको छ । अहिलेसम्म नौ लाख ४० हजार पाँच सय हेक्टर क्षेत्रफलमा रोपाइँ सकिएको छ । कोशी प्रदेशमा ६१.७, मधेस प्रदेशमा ६१.५, बागमती प्रदेशमा ६९.२, गण्डकी प्रदेशमा ७५, लुम्बिनी प्रदेशमा ६६.७, कर्णाली प्रदेशमा ७८ र सुदूरपश्चिम प्रदेशमा ८६ प्रतिशत क्षेत्रफलमा रोपाइँ सकिएको कृषि तथा पशुपन्छी विकास मन्त्रालयका प्रवक्ता हरिबहादुर केसीले जानकारी दिए । यो हप्ता पानी परेकाले गत हप्ताको भन्दा बढी क्षेत्रफलमा रोपाइँ भएको हो । असारको तेस्रो हप्तासम्म पनि देशभर राम्रोसँग वर्षा नभएकाले धेरै ठाउँमा रोपाइँ हुन सकेको थिएन । चौथो हप्तापछि वर्षा निरन्तर भएको थियो ।